قورئانا پیرۆز › سورەتا النحل › ئایەتا ٣٧
سورەتا النحل · ئایەتا ٣٧ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَ ٱلَّذِينَ أَشۡرَكُواْ لَوۡ شَآءَ ٱللَّهُ مَا عَبَدۡنَا مِن دُونِهِۦ مِن شَيۡءٖ نَّحۡنُ وَلَآ ءَابَآؤُنَا وَلَا حَرَّمۡنَا مِن دُونِهِۦ مِن شَيۡءٖۚ كَذَٰلِكَ فَعَلَ ٱلَّذِينَ مِن قَبۡلِهِمۡۚ فَهَلۡ عَلَى ٱلرُّسُلِ إِلَّا ٱلۡبَلَٰغُ ٱلۡمُبِينُ ﴿٣٥﴾
وبوتپه‌رێسان گۆت: ئه‌گه‌ر خودێ حه‌زكربا ئه‌م په‌رستنا وى ب تنێ بكه‌ين مه په‌رستنا ئێكێ دى ژبلی وى نه‌دكر، نه مه ونه بابێن مه ژى به‌رى مه، وتشته‌كێ وى حه‌رام نه‌كرى مه حه‌رام نه‌دكر، هێجه‌ته‌كا وه‌كى ڤێ يا پويچ كافرێن به‌رێ ژى بۆ خۆ دگرت، وئه‌و ددره‌وينن؛ چونكى خودێ فه‌رمان ل وان كربوو وهێز وشيان دابوو وان كو ئه‌و وى تشتى بكه‌ن يێ خودێ فه‌رمان پێ ل وان كرى، ڤێجا قه‌زا وقه‌ده‌ر قه‌ت بۆ وان نابته هێجه‌ت پشتى كو پێغه‌مبه‌ران ئه‌و ترساندين، وهه‌ما ژبلی گه‌هاندنا ئاشكه‌را تشته‌ك ل سه‌ر وان پێغه‌مبه‌رێن ئه‌و ترساندين نينه.
وَلَقَدۡ بَعَثۡنَا فِي كُلِّ أُمَّةٖ رَّسُولًا أَنِ ٱعۡبُدُواْ ٱللَّهَ وَٱجۡتَنِبُواْ ٱلطَّـٰغُوتَۖ فَمِنۡهُم مَّنۡ هَدَى ٱللَّهُ وَمِنۡهُم مَّنۡ حَقَّتۡ عَلَيۡهِ ٱلضَّلَٰلَةُۚ فَسِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلۡمُكَذِّبِينَ ﴿٣٦﴾
و ب ڕاستى د ناڤ هه‌ر ملله‌ته‌كێ بۆرى دا مه پێغه‌مبه‌ره‌ك هنارتبوو دا فه‌رمانێ ب په‌رستنا خودێ وگوهدارییا وى ل وان بكه‌ت ووان ژ په‌رستنا شه‌يتانى وصه‌نه‌م ومرییان بده‌ته پاش، ڤێجا ژ وان هه‌بوو يێ خودێ به‌رێ وى دايه هيدايه‌تێ، ووى دويكه‌فتنا پێغه‌مبه‌ران كرى، و ژ وان هه‌بوو يێ ڕكدار يێ كو دويكه‌فتنا سه‌رداچوونێ كرى، ڤێجا هێژاى ڕێبه‌رزه‌بوونێ بووى، وخودێ به‌رێ وى نه‌دايه ڕێكێ. ڤێجا هوين ل عه‌ردى بگه‌ڕيێن، و ب چاڤێ خۆ سه‌حكه‌نێ كانێ دويماهییا ڤان دره‌وپێكه‌ران چاوا بوويه، وكانێ چ تێچوون ب سه‌ر وان دا هاتییه؛ دا هوين وجه‌كێ بۆ خۆ ژێ بگرن؟
إِن تَحۡرِصۡ عَلَىٰ هُدَىٰهُمۡ فَإِنَّ ٱللَّهَ لَا يَهۡدِي مَن يُضِلُّۖ وَمَا لَهُم مِّن نَّـٰصِرِينَ ﴿٣٧﴾
ئه‌گه‌ر تو -ئه‌ى پێغه‌مبه‌ر- هه‌مى شيانێن خۆ ب كار بينى دا به‌رێ ڤان بوتپه‌رێسان بده‌يه هيدايه‌تێ تو بزانه هندى خودێیه به‌رێ وى يێ به‌رزه ناده‌ته هيدايه‌تێ، وژبلی خودێ وان كه‌سه‌ك نينه پشته‌ڤانییێ ژ وان بكه‌ت، وعه‌زابا خودێ ژ وان دوير بێخت.
وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَا يَبۡعَثُ ٱللَّهُ مَن يَمُوتُۚ بَلَىٰ وَعۡدًا عَلَيۡهِ حَقّٗا وَلَٰكِنَّ أَكۡثَرَ ٱلنَّاسِ لَا يَعۡلَمُونَ ﴿٣٨﴾
وڤان بوتپه‌رێسان سويندێن مه‌زن ب خودێ خوارن كو هندى خودێیه وى كه‌سێ دمرت ودڕزت ڕاناكه‌ته‌ڤه، به‌لێ مسۆگه‌ر خودێ جاره‌كا دى دێ وان ڕاكه‌ته‌ڤه، سۆزه‌كا ڕاسته ل سه‌ر وى، به‌لێ پترییا مرۆڤان نزانن كو خودێ شيانا زێنديكرنا مرییان هه‌يه، له‌و باوه‌رییێ پێ نائينن.
لِيُبَيِّنَ لَهُمُ ٱلَّذِي يَخۡتَلِفُونَ فِيهِ وَلِيَعۡلَمَ ٱلَّذِينَ كَفَرُوٓاْ أَنَّهُمۡ كَانُواْ كَٰذِبِينَ ﴿٣٩﴾
خودێ هه‌مى مرۆڤان ڕادكه‌ته‌ڤه؛ دا ڕاستییا زێنديكرنا پشتى مرنێ يا ئه‌و تێدا ژێك جودابووين بۆ وان ئاشكه‌را بكه‌ت، ودا ئه‌و كافرێن باوه‌رییێ ب وێ نه‌ئينن بزانن كو ئه‌و دنه‌حه‌ق ودره‌وينن ده‌مێ سويندێ دخۆن كو ڕابوونا پشتى مرنێ نينه.