قورئانا پیرۆز › سورەتا النحل › ئایەتا ٤٣
سورەتا النحل · ئایەتا ٤٣ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلَّذِينَ هَاجَرُواْ فِي ٱللَّهِ مِنۢ بَعۡدِ مَا ظُلِمُواْ لَنُبَوِّئَنَّهُمۡ فِي ٱلدُّنۡيَا حَسَنَةٗۖ وَلَأَجۡرُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ ﴿٤١﴾
وئه‌وێن پێخه‌مه‌ت ڕازيبوونا خودێ وارێ خۆ هێلاى، وپشتى زۆردارى ب سه‌ر وان دا هاتى ئه‌و مشه‌خت بووين، د دنيايێ دا ئه‌م دێ وان ل جهه‌كێ باش دانين، وخێرا ئاخره‌تێ مه‌زنتره؛ چونكى جزايێ وان به‌حه‌شته. ئه‌گه‌ر ئه‌وێن مشه‌خت نه‌بووين ب دورستى زانيبا خێرا وان يێن مشه‌خت بووين ل نك خودێ چه‌نده كه‌سه‌كێ ژ وان خۆ ژ مشه‌ختبوونێ پاشڤه نه‌دبر.
ٱلَّذِينَ صَبَرُواْ وَعَلَىٰ رَبِّهِمۡ يَتَوَكَّلُونَ ﴿٤٢﴾
ئه‌وێن هه يێن د ڕێكا خودێ دا مشه‌خت بووين ئه‌ون يێن صه‌بر ل سه‌ر ئه‌مرێ خودێ ومقه‌ده‌رێن وى يێن نه‌خۆش كێشاى، وئه‌و خۆ دهێلنه ب هيڤییا خودايێ خۆ ب تنێ ڤه، له‌و ئه‌و هێژاى ڤێ ده‌ره‌جا مه‌زن بوون.
وَمَآ أَرۡسَلۡنَا مِن قَبۡلِكَ إِلَّا رِجَالٗا نُّوحِيٓ إِلَيۡهِمۡۖ فَسۡـَٔلُوٓاْ أَهۡلَ ٱلذِّكۡرِ إِن كُنتُمۡ لَا تَعۡلَمُونَ ﴿٤٣﴾
و د ناڤ يێن به‌رى ته دا -ئه‌ى پێغه‌مبه‌ر- مه وه‌حى بۆ هنده‌ك زه‌لامان هنارتبوو نه كو بۆ ملياكه‌تان، ڤێجا ئه‌گه‌ر هوين -گه‌لى بوتپه‌رێسێن قوره‌یشییان- باوه‌ر ژ ڤێ چه‌ندێ نه‌كه‌ن، هوین پسيارا خودانێن كيتابێن به‌رێ بكه‌ن، ئه‌و دێ بێژنه هه‌وه كو پێغه‌مبه‌ر ژ مرۆڤان بوون، ئه‌گه‌ر هوين نه‌زانن كو ئه‌و ژ مرۆڤانه. وئه‌ڤ ئایه‌ته یا گشتییه د هه‌ر مه‌سه‌له‌كێ دا ژ مه‌سه‌لێن دینى، ئه‌گه‌ر مرۆڤ نه‌زانت دڤێت پسیارا زانایان بكه‌ت.
بِٱلۡبَيِّنَٰتِ وَٱلزُّبُرِۗ وَأَنزَلۡنَآ إِلَيۡكَ ٱلذِّكۡرَ لِتُبَيِّنَ لِلنَّاسِ مَا نُزِّلَ إِلَيۡهِمۡ وَلَعَلَّهُمۡ يَتَفَكَّرُونَ ﴿٤٤﴾
وپێغه‌مبه‌رێن به‌رێ ب نيشانێن ئاشكه‌را وكيتابێن عه‌سمانى مه هنارتبوون، ومه قورئان بۆ ته -ئه‌ى پێغه‌مبه‌ر- ئينا خوارێ؛ دا تو ڕامانێن وێ يێن نه ئاشكه‌را بۆ مرۆڤان ديار بكه‌ى، ودا ئه‌و هزرا خۆ تێدا بكه‌ن وپێ ب هيدايه‌ت بكه‌ڤن.
أَفَأَمِنَ ٱلَّذِينَ مَكَرُواْ ٱلسَّيِّـَٔاتِ أَن يَخۡسِفَ ٱللَّهُ بِهِمُ ٱلۡأَرۡضَ أَوۡ يَأۡتِيَهُمُ ٱلۡعَذَابُ مِنۡ حَيۡثُ لَا يَشۡعُرُونَ ﴿٤٥﴾
ئه‌رێ ڤێجا ئه‌و كافرێن پيلانان دگێڕن پشتڕاست بووينه كو خودێ وان د عه‌ردى دا نابه‌ته خوارێ وه‌كى وى قاروون برییه خوارێ، يان ژ جهه‌كێ ئه‌و چو هزران ژێ نه‌كه‌ن وپێ نه‌حه‌سن عه‌زاب بێته وان.