قورئانا پیرۆز › سورەتا النحل › ئایەتا ٧٧
سورەتا النحل · ئایەتا ٧٧ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞ضَرَبَ ٱللَّهُ مَثَلًا عَبۡدٗا مَّمۡلُوكٗا لَّا يَقۡدِرُ عَلَىٰ شَيۡءٖ وَمَن رَّزَقۡنَٰهُ مِنَّا رِزۡقًا حَسَنٗا فَهُوَ يُنفِقُ مِنۡهُ سِرّٗا وَجَهۡرًاۖ هَلۡ يَسۡتَوُۥنَۚ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ ﴿٧٥﴾
خودێ مه‌ته‌له‌ك ئينا خرابییا بير وباوه‌رێن خودانێن شركێ پێ ئاشكه‌راكر: زه‌لامه‌كێ عه‌بد بت ده‌سهه‌لاتا تشته‌كى نه‌بت، وزه‌لامه‌كێ دى يێ ئازاد بت، ماله‌كێ حه‌لال هه‌بت خودێ دابتێ، وى ده‌سهه‌لات ل سه‌ر هه‌بت، ڤێجا ڤه‌شارتى وئاشكه‌را ئه‌و خێران ژێ بده‌ت، ئه‌رێ خودان عه‌قله‌ك هه‌يه بێژت ئه‌و هه‌ردو وه‌كى ئێكن؟ وه‌سا خودێ ژى ئافرانده‌رێ خودان ملك وده‌سهه‌لات وه‌كى به‌نییێن خۆ نابت، ڤێجا چاوا هوين وان وه‌كى ئێك لێ دكه‌ن؟ حه‌مد بۆ خودێ ب تنێ بت، ئه‌وه يێ هه‌ژى حه‌مد ومه‌دحان، به‌لكى پترییا بوتپه‌رێسان نزانن كو حه‌مد بۆ خودێیه، وكو ئه‌و ب تنێ هێژاى په‌رستنێيه.
وَضَرَبَ ٱللَّهُ مَثَلٗا رَّجُلَيۡنِ أَحَدُهُمَآ أَبۡكَمُ لَا يَقۡدِرُ عَلَىٰ شَيۡءٖ وَهُوَ كَلٌّ عَلَىٰ مَوۡلَىٰهُ أَيۡنَمَا يُوَجِّههُّ لَا يَأۡتِ بِخَيۡرٍ هَلۡ يَسۡتَوِي هُوَ وَمَن يَأۡمُرُ بِٱلۡعَدۡلِ وَهُوَ عَلَىٰ صِرَٰطٖ مُّسۡتَقِيمٖ ﴿٧٦﴾
وپێخه‌مه‌ت دياركرنا بێ خێرییا شركێ خودێ مه‌ته‌له‌كا دى ب دو زه‌لامان ئينا: ئێك ژ وان يێ كه‌ڕ ولاله نه ئه‌و تێ دگه‌هت ونه‌دشێت كه‌سێ تێ بگه‌هينت ژى، نه مفایى دگه‌هينته خۆ ونه دگه‌هينته كه‌سێ دى، وئه‌و باره‌كێ گرانه ل سه‌ر خودانێ خۆ يێ وى ب خودان دكه‌ت، ئه‌گه‌ر وى ئه‌و هنارته كاره‌كى ئه‌و نه‌شێت وى كارى بكه‌ت، وئه‌و خێره‌كێ ب ده‌ست خۆ ڤه نائينت، وزه‌لامه‌كێ دى يێ ساخله‌م، يێ كو مفایى بگه‌هينته خۆ وبگه‌هينته خه‌لكى ژى، كارێ باش دكه‌ت، وئه‌و يێ ل سه‌ر ڕێكه‌كا ڕاست ودورست، ئه‌رێ ڤێجا ما ل نك مرۆڤێن عه‌قلمه‌ند ئه‌ڤ هه‌ردو زه‌لامه وه‌كى ئێكن؟ ڤێجا چاوا هوين صه‌نه‌مێ كه‌ڕ ولال دئيننه ڕێزا خودايێ خودان شيان وقه‌نجيكه‌ر؟
وَلِلَّهِ غَيۡبُ ٱلسَّمَٰوَٰتِ وَٱلۡأَرۡضِۚ وَمَآ أَمۡرُ ٱلسَّاعَةِ إِلَّا كَلَمۡحِ ٱلۡبَصَرِ أَوۡ هُوَ أَقۡرَبُۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ ﴿٧٧﴾
وزانينا تشتێ نه‌به‌رچاڤ ل عه‌سمانان وعه‌ردى بۆ خودێیه، ومه‌سه‌لا هاتنا قيامه‌تێ يا ب له‌ز هه‌ما وه‌كى چاڤ هه‌لينه‌كا سڤكه، به‌لكى ژ وێ چه‌ندێ ژى ب له‌زتر ونێزيكتره. هندى خودێیه ل سه‌ر هه‌ر تشته‌كى يێ خودان شيانه.
وَٱللَّهُ أَخۡرَجَكُم مِّنۢ بُطُونِ أُمَّهَٰتِكُمۡ لَا تَعۡلَمُونَ شَيۡـٔٗا وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَ لَعَلَّكُمۡ تَشۡكُرُونَ ﴿٧٨﴾
وخودايێ مه‌زنه يێ هوين پشتى ده‌مێ هلگرتنێ ژ زكێن ده‌يكێن هه‌وه ئيناينه ده‌ر، هه‌وه تشته‌ك ژ دۆر وبه‌رێن خۆ نه‌دزانى، ووى ئه‌و ئه‌ندام دانه هه‌وه يێن هوين تشتان پێ بزانن وه‌كى گوهـ وچاڤ ودلان؛ دا به‌لكى هوين سوپاسییا خودێ ل سه‌ر وان قه‌نجییان بكه‌ن، وپه‌رستنا وى ب تنێ بكه‌ن.
أَلَمۡ يَرَوۡاْ إِلَى ٱلطَّيۡرِ مُسَخَّرَٰتٖ فِي جَوِّ ٱلسَّمَآءِ مَا يُمۡسِكُهُنَّ إِلَّا ٱللَّهُۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ ﴿٧٩﴾
ئه‌رێ ما بوتپه‌رێسان به‌رێ خۆ نه‌دايه ته‌يران ل هه‌وا د ناڤبه‌را عه‌رد وعه‌سمانى دا ب فه‌رمانا خودێ ئه‌و دبنده‌ستكرينه؟ ژ خودێ پێڤه‌تر كه‌سه‌ك نينه وان ژ كه‌فتنێ بگرت. هندى د وێ چه‌ندێ دايه نيشان بۆ وى ملله‌تى هه‌نه يێ باوه‌رییێ ب وان نيشانان دئينن يێن ئه‌و ل سه‌ر شيانا خودێ دبينن.