قورئانا پیرۆز › سورەتا النحل › ئایەتا ٧٩
سورەتا النحل · ئایەتا ٧٩ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلِلَّهِ غَيۡبُ ٱلسَّمَٰوَٰتِ وَٱلۡأَرۡضِۚ وَمَآ أَمۡرُ ٱلسَّاعَةِ إِلَّا كَلَمۡحِ ٱلۡبَصَرِ أَوۡ هُوَ أَقۡرَبُۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ ﴿٧٧﴾
وزانينا تشتێ نه‌به‌رچاڤ ل عه‌سمانان وعه‌ردى بۆ خودێیه، ومه‌سه‌لا هاتنا قيامه‌تێ يا ب له‌ز هه‌ما وه‌كى چاڤ هه‌لينه‌كا سڤكه، به‌لكى ژ وێ چه‌ندێ ژى ب له‌زتر ونێزيكتره. هندى خودێیه ل سه‌ر هه‌ر تشته‌كى يێ خودان شيانه.
وَٱللَّهُ أَخۡرَجَكُم مِّنۢ بُطُونِ أُمَّهَٰتِكُمۡ لَا تَعۡلَمُونَ شَيۡـٔٗا وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَ لَعَلَّكُمۡ تَشۡكُرُونَ ﴿٧٨﴾
وخودايێ مه‌زنه يێ هوين پشتى ده‌مێ هلگرتنێ ژ زكێن ده‌يكێن هه‌وه ئيناينه ده‌ر، هه‌وه تشته‌ك ژ دۆر وبه‌رێن خۆ نه‌دزانى، ووى ئه‌و ئه‌ندام دانه هه‌وه يێن هوين تشتان پێ بزانن وه‌كى گوهـ وچاڤ ودلان؛ دا به‌لكى هوين سوپاسییا خودێ ل سه‌ر وان قه‌نجییان بكه‌ن، وپه‌رستنا وى ب تنێ بكه‌ن.
أَلَمۡ يَرَوۡاْ إِلَى ٱلطَّيۡرِ مُسَخَّرَٰتٖ فِي جَوِّ ٱلسَّمَآءِ مَا يُمۡسِكُهُنَّ إِلَّا ٱللَّهُۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ ﴿٧٩﴾
ئه‌رێ ما بوتپه‌رێسان به‌رێ خۆ نه‌دايه ته‌يران ل هه‌وا د ناڤبه‌را عه‌رد وعه‌سمانى دا ب فه‌رمانا خودێ ئه‌و دبنده‌ستكرينه؟ ژ خودێ پێڤه‌تر كه‌سه‌ك نينه وان ژ كه‌فتنێ بگرت. هندى د وێ چه‌ندێ دايه نيشان بۆ وى ملله‌تى هه‌نه يێ باوه‌رییێ ب وان نيشانان دئينن يێن ئه‌و ل سه‌ر شيانا خودێ دبينن.
وَٱللَّهُ جَعَلَ لَكُم مِّنۢ بُيُوتِكُمۡ سَكَنٗا وَجَعَلَ لَكُم مِّن جُلُودِ ٱلۡأَنۡعَٰمِ بُيُوتٗا تَسۡتَخِفُّونَهَا يَوۡمَ ظَعۡنِكُمۡ وَيَوۡمَ إِقَامَتِكُمۡ وَمِنۡ أَصۡوَافِهَا وَأَوۡبَارِهَا وَأَشۡعَارِهَآ أَثَٰثٗا وَمَتَٰعًا إِلَىٰ حِينٖ ﴿٨٠﴾
وخودێ مالێن هه‌وه بۆ هه‌وه كرنه جهێ ته‌ناهی وئاكنجیبوونا د گه‌ل عه‌يالی، ده‌مێ هوين دئاكنجى، وده‌مێ هوين ل سه‌ر وه‌غه‌رێ وى ژ پيستێ حه‌يوانان خيڤه‌ت وچادر دانه هه‌وه، ده‌مێ هوين دده‌نه ڕێ وده‌مێ هوين ددانن ئه‌و بۆ هه‌وه دسڤكن، ووى ژ هرییا په‌زى وحێشتران وموییێ بزنان جلك وناڤمالی ونڤين وتشتێ جوانییێ دا هه‌وه، حه‌تا ده‌مه‌كێ ده‌سنیشانكرى كو ده‌مێ ساخییا هه‌وه‌یه هوين خۆشییێ پێ دبه‌ن.
وَٱللَّهُ جَعَلَ لَكُم مِّمَّا خَلَقَ ظِلَٰلٗا وَجَعَلَ لَكُم مِّنَ ٱلۡجِبَالِ أَكۡنَٰنٗا وَجَعَلَ لَكُمۡ سَرَٰبِيلَ تَقِيكُمُ ٱلۡحَرَّ وَسَرَٰبِيلَ تَقِيكُم بَأۡسَكُمۡۚ كَذَٰلِكَ يُتِمُّ نِعۡمَتَهُۥ عَلَيۡكُمۡ لَعَلَّكُمۡ تُسۡلِمُونَ ﴿٨١﴾
وخودێ ئه‌و تشت دا هه‌وه يێ هوين خۆ دده‌نه بن سيبه‌را وى وه‌كى داروبارى وتشتێن دى، و د چيايان ڕا وى شكه‌فت دانه هه‌وه هوين ل ده‌مێ هه‌وجه‌يییان خۆ ڤێڕا دگه‌هينن، و ژ هرى وپه‌نبى وى جلك دانه هه‌وه، ئه‌و هه‌وه ژ گه‌رمێ وسه‌رمايێ دپارێزن، ووى ئه‌و تشت ژ ئاسنى دا هه‌وه يێ دربێن شه‌ڕان ژ هه‌وه دویر دكه‌ن، ڤێجا كا چاوا خودێ ئه‌ڤ قه‌نجییه د گه‌ل هه‌وه كرن وه‌سا ئه‌و قه‌نجییا خۆ ل سه‌ر هه‌وه پێك دئينت كو دينێ حه‌ق بۆ هه‌وه ئاشكه‌را دكه‌ت؛ دا هوين خۆ ب ده‌ست ئه‌مرێ خودايێ خۆ ب تنێ ڤه به‌رده‌ن، وچو هه‌ڤپشكان بۆ وى د په‌رستنێ دا نه‌دانن.