قورئانا پیرۆز › سورەتا النساء › ئایەتا ٣٢
سورەتا النساء · ئایەتا ٣٢ ب تەفسیرا کوردی
An-Nisa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَن يَفۡعَلۡ ذَٰلِكَ عُدۡوَٰنٗا وَظُلۡمٗا فَسَوۡفَ نُصۡلِيهِ نَارٗاۚ وَكَانَ ذَٰلِكَ عَلَى ٱللَّهِ يَسِيرًا ﴿٣٠﴾
وهه‌چییێ ژ ته‌عدايى وپێ لێدانا شريعه‌تى وى تشتى بكه‌ت يێ خودێ هوين ژێ داینه‌پاش وه‌كى دزییێ وژێستاندنێ وغشێ، پاشى خودێ دێ وى كه‌ته د ئاگرى دا وئه‌و دێ تام كه‌ته گه‌رما وى، وئه‌و ل سه‌ر خودێ يا ب ساناهى بوويه.
إِن تَجۡتَنِبُواْ كَبَآئِرَ مَا تُنۡهَوۡنَ عَنۡهُ نُكَفِّرۡ عَنكُمۡ سَيِّـَٔاتِكُمۡ وَنُدۡخِلۡكُم مُّدۡخَلٗا كَرِيمٗا ﴿٣١﴾
ئه‌گه‌ر هوين -گه‌لى خودان باوه‌ران- خۆ ژ گونه‌هێن مه‌زن بده‌نه پاش يێن وه‌كى شركا ب خودێ ونه‌گوهدارییا ده‌يبابان وكوشتنا نه‌فسێ بێ حه‌ق وگونه‌هێن دى يێن وه‌كى وان، ئه‌م دێ گونه‌هێن هه‌وه يێن بچويكتر بۆ هه‌وه ژێ به‌ين، ودێ هه‌وه كه‌ينه د جهه‌كێ ب قه‌در وبها دا، كو به‌حه‌شته.
وَلَا تَتَمَنَّوۡاْ مَا فَضَّلَ ٱللَّهُ بِهِۦ بَعۡضَكُمۡ عَلَىٰ بَعۡضٖۚ لِّلرِّجَالِ نَصِيبٞ مِّمَّا ٱكۡتَسَبُواْۖ وَلِلنِّسَآءِ نَصِيبٞ مِّمَّا ٱكۡتَسَبۡنَۚ وَسۡـَٔلُواْ ٱللَّهَ مِن فَضۡلِهِۦٓۚ إِنَّ ٱللَّهَ كَانَ بِكُلِّ شَيۡءٍ عَلِيمٗا ﴿٣٢﴾
وهوين خوزییا وى تشتى ڕانه‌هێلن يێ خودێ هنده‌ك ژ هه‌وه پێ ب سه‌ر هنده‌كان ئێخستين، چ د دانا ڕزقى دا بت يان د هه‌ر تشته‌كێ دى يێ وه‌سا دا بت، چونكى خودێ باره‌كا پيڤاى ژ جزاى بۆ زه‌لامان دانايه ل دويڤ كارێ وان، ووى بۆ ژنان ژى باره‌ك دانايه ل دويڤ وى كارێ وان كرى، و ل شوينا كو هوين خوزییان ڕاهێلن هوين داخوازێ ژ خودايێ مه‌رد بكه‌ن ئه‌و ژ سه‌راتى وقه‌نجییا خۆ دێ ده‌ته هه‌وه. هندى خودێیه ب هه‌ر تشته‌كى يێ پڕزانا بوويه، وئه‌و د لێكڤه‌كرنێ دا ب وى تشتێ به‌رژه‌وه‌ندییا به‌نییێن وى تێدا زاناتره.
وَلِكُلّٖ جَعَلۡنَا مَوَٰلِيَ مِمَّا تَرَكَ ٱلۡوَٰلِدَانِ وَٱلۡأَقۡرَبُونَۚ وَٱلَّذِينَ عَقَدَتۡ أَيۡمَٰنُكُمۡ فَـَٔاتُوهُمۡ نَصِيبَهُمۡۚ إِنَّ ٱللَّهَ كَانَ عَلَىٰ كُلِّ شَيۡءٖ شَهِيدًا ﴿٣٣﴾
ومه بۆ هه‌ر ئێك ژ هه‌وه هنده‌ك ميراتگر داناينه، ئه‌و وى ميراتێ ده‌يباب ومرۆڤێن وان یێن نێزيك دهێلن وه‌ردگرن، وئه‌وێن هه‌وه سۆزێن موكم پێڕا به‌ستين كو پشته‌ڤانییا هه‌وه بكه‌ن وهوين باره‌كى ژ ميراتى بده‌نێ، هوين وێ بده‌نێ يا هه‌وه بۆ وان ده‌سنيشان كرى. وميراتگرییا ب سۆزدانێ ل ده‌ستپێكا ئيسلامێ يا دورست بوو، پاشى ب هاتنه خوارا ئايه‌تێن ميراتى ئه‌و هاته ڕاكرن. هندى خودێیه ب هه‌ر تشته‌كێ هوين دكه‌ن يێ ئاگه‌هدار بوويه، وئه‌و دێ هه‌وه سه‌را وى جزاده‌ت.
ٱلرِّجَالُ قَوَّـٰمُونَ عَلَى ٱلنِّسَآءِ بِمَا فَضَّلَ ٱللَّهُ بَعۡضَهُمۡ عَلَىٰ بَعۡضٖ وَبِمَآ أَنفَقُواْ مِنۡ أَمۡوَٰلِهِمۡۚ فَٱلصَّـٰلِحَٰتُ قَٰنِتَٰتٌ حَٰفِظَٰتٞ لِّلۡغَيۡبِ بِمَا حَفِظَ ٱللَّهُۚ وَٱلَّـٰتِي تَخَافُونَ نُشُوزَهُنَّ فَعِظُوهُنَّ وَٱهۡجُرُوهُنَّ فِي ٱلۡمَضَاجِعِ وَٱضۡرِبُوهُنَّۖ فَإِنۡ أَطَعۡنَكُمۡ فَلَا تَبۡغُواْ عَلَيۡهِنَّ سَبِيلًاۗ إِنَّ ٱللَّهَ كَانَ عَلِيّٗا كَبِيرٗا ﴿٣٤﴾
زه‌لام ل سه‌ر چاڤدێرى و ب خودانكرنا ژنان دڕابووينه، ژ به‌ر وان سالۆخه‌تێن پێڕابوون وسه‌راتییێ يێن خودێ داينه وان، و ژ به‌ر وێ مه‌هر ونه‌فه‌قێ يا ئه‌و دده‌نه وان. ڤێجا ئه‌و ژنێن چاك يێن ل سه‌ر ڕێكا ڕاست ژ وان، گوهدارییا خودێ ويا زه‌لامێن خۆ دكه‌ن، و ب پاراستنا خودێ ئه‌و وى تشتى دپارێزن يێ نه ل به‌ر چاڤێن زه‌لامێن وان بت، ژ وى تشتى يێ وان ئه‌و ئێمانه‌تى وان كرى، وئه‌و ژنێن هوين ژ زيزبوونا وان دترسن، هوين ب ئاخفتنه‌كا خۆش وان شيره‌ت بكه‌ن، وئه‌گه‌ر په‌يڤا باش چو فايده نه‌دا، هوين ل سه‌ر جهان پشتا خۆ بده‌نێ، ونێزيك نه‌بن، وئه‌گه‌ر ڤێ پشتدانێ ژى كار ل وان نه‌كر، هوين ب لێدانه‌كا زيان تێدا نه‌بت وان بقوتن، ڤێجا ئه‌گه‌ر وان گوهدارییا هه‌وه كر هشيار بن زۆردارییێ لێ نه‌كه‌ن، چونكى هندى خودايێ بلندێ مه‌زنه خودانێ وانه، وئه‌و دێ تۆلێ ژ وى ڤه‌كه‌ت يێ زۆردارییێ ل وان بكه‌ت.