قورئانا پیرۆز › سورەتا الروم › ئایەتا ٢١
سورەتا الروم · ئایەتا ٢١ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَيُحۡيِ ٱلۡأَرۡضَ بَعۡدَ مَوۡتِهَاۚ وَكَذَٰلِكَ تُخۡرَجُونَ ﴿١٩﴾
خودێ تشتێ زێندى ژ يێ مرى دئينته‌ده‌ر، وه‌كى مرۆڤى ژ چپكێ وته‌يرى ژ هێكێ چێ دكه‌ت، وتشتێ مرى ژ يێ زێندى دئينته ده‌ر، وه‌كى چپكێ ژ مرۆڤى وهێكێ ژ ته‌يرى ده‌ردئێخت. وئه‌و عه‌ردى شين دكه‌ت پشتى ئه‌و هشك بووى، ووه‌كى ڤێ زێنديكرنێ هوين ژى -گه‌لی مرۆڤان- بۆ حسێب وجزادانێ ژ گۆڕێن خۆ ده‌ردكه‌ڤن.
وَمِنۡ ءَايَٰتِهِۦٓ أَنۡ خَلَقَكُم مِّن تُرَابٖ ثُمَّ إِذَآ أَنتُم بَشَرٞ تَنتَشِرُونَ ﴿٢٠﴾
و ژ نيشانێن مه‌زنى وشيانا خودێیه كو وى بابێ هه‌وه ئاده‌م ژ ئاخێ ئافراند، پاشى هوين بوونه مرۆڤ وهوين زێده‌بوون و ل عه‌ردى به‌لاڤبوون.
وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ ﴿٢١﴾
و ژ نيشانێن مه‌زنى وشيانا وییه كو وى هه‌ر ژ نفشێ هه‌وه ب خۆ -گه‌لی زه‌لامان- ژن بۆ هه‌وه ئافراندن؛ دا دلێن هه‌وه ل نك وان ڕحه‌ت وئاكنجى ببن، ووى ڤيان ودلۆڤانى كره د ناڤبه‌را ژنێ وزه‌لامێ وێ دا، هندى د ئافراندنا وێ چه‌ندێ دايه نيشان ل سه‌ر شيان وته‌وحيدا خودێ بۆ وى ملله‌تى هه‌نه يێ هزرا خۆ بكه‌ت، و د تشتى بگه‌هت.
وَمِنۡ ءَايَٰتِهِۦ خَلۡقُ ٱلسَّمَٰوَٰتِ وَٱلۡأَرۡضِ وَٱخۡتِلَٰفُ أَلۡسِنَتِكُمۡ وَأَلۡوَٰنِكُمۡۚ إِنَّ فِي ذَٰلِكَ لَأٓيَٰتٖ لِّلۡعَٰلِمِينَ ﴿٢٢﴾
وئافراندنا عه‌سمانان وبلندكرنا وان بێ ستوين، وئافراندنا عه‌ردى وبه‌رفره‌هكرنا وى، وژێكجودابوونا ئه‌زمان وڕه‌نگێن هه‌وه، ژ نيشانێن شيانا خودێنه، هندى د وێ چه‌ندێ دايه عيبره‌ته‌ك بۆ خودان ديتن وزانينان هه‌يه.
وَمِنۡ ءَايَٰتِهِۦ مَنَامُكُم بِٱلَّيۡلِ وَٱلنَّهَارِ وَٱبۡتِغَآؤُكُم مِّن فَضۡلِهِۦٓۚ إِنَّ فِي ذَٰلِكَ لَأٓيَٰتٖ لِّقَوۡمٖ يَسۡمَعُونَ ﴿٢٣﴾
و ژ نيشانێن ڤێ شيانێیه كو خودێ نڤستن ل شه‌ڤێ وڕۆژێ بۆ هه‌وه كره ڕحه‌تى وته‌ناهى؛ چونكى ب نڤستنێ مرۆڤ ڕحه‌ت دبت ووه‌ستيان نامينت، ووى ڕۆژ بۆ هه‌وه كره جهێ به‌لاڤبوون وخواستنا ڕزقى، هندى د وێ چه‌ندێ دايه نيشان ل سه‌ر شيانا خودێ بۆ وى ملله‌تى هه‌نه يێ گوهدارییا شيره‌تان بكه‌ت وهزرا خۆ تێدا بكه‌ت.