قورئانا پیرۆز › سورەتا الشورى › ئایەتا ٣١
سورەتا الشورى · ئایەتا ٣١ ب تەفسیرا کوردی
Ash-Shura
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمِنۡ ءَايَٰتِهِۦ خَلۡقُ ٱلسَّمَٰوَٰتِ وَٱلۡأَرۡضِ وَمَا بَثَّ فِيهِمَا مِن دَآبَّةٖۚ وَهُوَ عَلَىٰ جَمۡعِهِمۡ إِذَا يَشَآءُ قَدِيرٞ ﴿٢٩﴾
وئافراندنا عه‌سمانان وعه‌ردى يا بێ وێنه، وبه‌لاڤكرنا گه‌له‌ك ڕه‌نگێن خودان رحان د ناڤ هه‌ر دووان دا ژ نيشانێن ئاشكه‌رانه ل سه‌ر مه‌زنى وشيانا وى، وئه‌و ل سه‌ر كۆمكرنا چێكرییان يا پشتى مرنا وان -ده‌مێ وى ڤيا- يێ خودان شيانه، تشته‌ك ل وى ئاسێ نابت.
وَمَآ أَصَٰبَكُم مِّن مُّصِيبَةٖ فَبِمَا كَسَبَتۡ أَيۡدِيكُمۡ وَيَعۡفُواْ عَن كَثِيرٖ ﴿٣٠﴾
وهه‌ر به‌لا وگرفتارییه‌كا بێته سه‌رێ هه‌وه چ د دينێ هه‌وه دا بت چ د دنيايا هه‌وه دا بت -گه‌لی مرۆڤان- ئه‌و ژ به‌ر وان گونه‌هانه يێن هه‌وه كرين، وخودايێ هه‌وه گه‌له‌ك گونه‌هان بۆ هه‌وه ژێ دبه‌ت، وسه‌را وان ل هه‌وه ناگرت.
وَمَآ أَنتُم بِمُعۡجِزِينَ فِي ٱلۡأَرۡضِۖ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ ﴿٣١﴾
وهوين -ئه‌ى گه‌لی مرۆڤان- نه‌شێن خودێ بێزار بكه‌ن و ژ بن ده‌سهه‌لاتا وى ده‌ركه‌ڤن، وژبلی وى هه‌وه چو سه‌ركار نينن كارێ هه‌وه ب ڕێڤه ببه‌ن، ومفاى بگه‌هيننه هه‌وه، يان پشته‌ڤانه‌ك هاريكارییا هه‌وه بكه‌ت وخرابییێ ژ هه‌وه پاشڤه ببه‌ت.
وَمِنۡ ءَايَٰتِهِ ٱلۡجَوَارِ فِي ٱلۡبَحۡرِ كَٱلۡأَعۡلَٰمِ ﴿٣٢﴾
وئه‌و گه‌مییێن مه‌زن يێن وه‌كى چيايان د ده‌ريايێ دا دچن ژ نيشانێن شیان وده‌سهه‌لاتا وينه.
إِن يَشَأۡ يُسۡكِنِ ٱلرِّيحَ فَيَظۡلَلۡنَ رَوَاكِدَ عَلَىٰ ظَهۡرِهِۦٓۚ إِنَّ فِي ذَٰلِكَ لَأٓيَٰتٖ لِّكُلِّ صَبَّارٖ شَكُورٍ ﴿٣٣﴾
ئه‌و خودايێ ئه‌ڤ گه‌مییه د ده‌ريايێ دا هاژۆتين ئه‌گه‌ر بڤێت دێ باى ڕاوه‌ستينت، ڤێجا ئه‌و گه‌مى ل سه‌ر پشتا ده‌ريايێ دێ ڕاوه‌ستايى مينن ونه‌شێن ب ڕێڤه بچن، د چوون وڕاوه‌ستیانا ڤان گه‌مییان دا ئايه‌ت وهێجه‌تێن ئاشكه‌را بۆ هه‌ر ئێكێ گه‌له‌ك بێهنفره‌هـ، ويێ گه‌له‌ك شوكردار هه‌نه.