قورئانا پیرۆز › سورەتا التحريم › ئایەتا ٦
سورەتا التحريم · ئایەتا ٦ ب تەفسیرا کوردی
At-Tahrim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِن تَتُوبَآ إِلَى ٱللَّهِ فَقَدۡ صَغَتۡ قُلُوبُكُمَاۖ وَإِن تَظَٰهَرَا عَلَيۡهِ فَإِنَّ ٱللَّهَ هُوَ مَوۡلَىٰهُ وَجِبۡرِيلُ وَصَٰلِحُ ٱلۡمُؤۡمِنِينَۖ وَٱلۡمَلَـٰٓئِكَةُ بَعۡدَ ذَٰلِكَ ظَهِيرٌ ﴿٤﴾
ئه‌گه‌ر هوين هه‌ردو (حه‌فصا وعائيشا) ل خۆ بزڤڕن وتۆبه بكه‌ن، ب ڕاستى هه‌وه ئه‌و كرییه يا پێتڤییه تۆبه ژێ بێته‌كرن، ده‌مێ هه‌وه دلێ خۆ برییه وى تشتى يێ پێغه‌مبه‌رێ خودێ -سلاڤ لێ بن- نه‌ڤياى، كو سررا وى به‌لاڤ ببت، وهوين هاريكارییا ئێك ودو بكه‌ن ل سه‌ر وى تشتێ وى پێ نه‌خۆش، ڤێجا هندى خودێیه سه‌ركار وپشته‌ڤانێ وییه، وجبريل وچاكێن خودان باوه‌ران ژى، وفريشته ژى پشتى خودێ پشته‌ڤان وهاريكارێن وينه دژى هه‌ر كه‌سه‌كێ نه‌ياره‌تییا وى بكه‌ت ووى بێشينت.
عَسَىٰ رَبُّهُۥٓ إِن طَلَّقَكُنَّ أَن يُبۡدِلَهُۥٓ أَزۡوَٰجًا خَيۡرٗا مِّنكُنَّ مُسۡلِمَٰتٖ مُّؤۡمِنَٰتٖ قَٰنِتَٰتٖ تَـٰٓئِبَٰتٍ عَٰبِدَٰتٖ سَـٰٓئِحَٰتٖ ثَيِّبَٰتٖ وَأَبۡكَارٗا ﴿٥﴾
ئه‌گه‌ر وى هوين -گه‌لی ژنكان- به‌ردان به‌لكى خودايێ وى هنده‌ك ژنێن دى بكه‌ته ڕزقێ وى هه‌رده‌م ئه‌و د فه‌رمانا خودێ دا بن، وباوه‌رییێ ب خودێ وپێغه‌مبه‌رێ وى بينن، د عيباده‌تكه‌ر بن، ل وى تشتى بزڤڕن يێ خودێ دڤێت، وگه‌له‌ك په‌رستنا وى بكه‌ن، دڕۆژيگر بن، هنده‌ك بيژن بن، وهنده‌ك كچ بن.
يَـٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَـٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ ﴿٦﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين خۆ وعه‌يالێ خۆ ب گوهدانا فه‌رمانا خودێ ژ وى ئاگرى بپارێزن يێ ب مرۆڤ وبه‌ران دئێته هلكرن، هنده‌ك ملياكه‌تێن ب هێز وزڤر خه‌لكێ وى ئاگرى عه‌زاب دده‌ن، وئه‌و بێ ئه‌مرییا خودێ ناكه‌ن، ووى تشتى دكه‌ن يێ فه‌رمان پێ ل وان دئێته‌كرن.
يَـٰٓأَيُّهَا ٱلَّذِينَ كَفَرُواْ لَا تَعۡتَذِرُواْ ٱلۡيَوۡمَۖ إِنَّمَا تُجۡزَوۡنَ مَا كُنتُمۡ تَعۡمَلُونَ ﴿٧﴾
وده‌مێ ئه‌وێن كوفر ب ته‌وحيدا خودێ كرى دچنه ئاگرى بۆ وان دئێته گۆتن: هوين ئه‌ڤرۆ چو هێجه‌تان بۆ خۆ نه‌گرن؛ چونكى هه‌ما ب وى تشتى هوين دێ ئێنه جزادان يێ هه‌وه د دنيايێ دا دكر.
يَـٰٓأَيُّهَا ٱلَّذِينَ ءَامَنُواْ تُوبُوٓاْ إِلَى ٱللَّهِ تَوۡبَةٗ نَّصُوحًا عَسَىٰ رَبُّكُمۡ أَن يُكَفِّرَ عَنكُمۡ سَيِّـَٔاتِكُمۡ وَيُدۡخِلَكُمۡ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ يَوۡمَ لَا يُخۡزِي ٱللَّهُ ٱلنَّبِيَّ وَٱلَّذِينَ ءَامَنُواْ مَعَهُۥۖ نُورُهُمۡ يَسۡعَىٰ بَيۡنَ أَيۡدِيهِمۡ وَبِأَيۡمَٰنِهِمۡ يَقُولُونَ رَبَّنَآ أَتۡمِمۡ لَنَا نُورَنَا وَٱغۡفِرۡ لَنَآۖ إِنَّكَ عَلَىٰ كُلِّ شَيۡءٖ قَدِيرٞ ﴿٨﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى وكار ب شریعه‌تێ وى كرى، هوين ژ گونه‌هێن خۆ تۆبه بكه‌ن تۆبه‌يه‌كا وه‌سا يا زڤڕينا ل گونه‌هێ د دويڤ دا نه‌بت، به‌لكى خودايێ هه‌وه گونه‌هێن هه‌وه ژێ ببه‌ت، وهه‌وه بكه‌ته د وان به‌حه‌شتان دا يێن ڕويبار د بن قه‌سرێن وان دا دچن، ڕۆژا خودێ پێغه‌مبه‌رى وئه‌وێن د گه‌ل وى باوه‌رى ئيناى شه‌رمزار ناكه‌ت، ووان عه‌زاب ناده‌ت، به‌لكى قه‌درێ وان بلند دكه‌ت، ڕۆناهییا وان ل به‌راهییا وان و ل ڕاستا وان دچت، ئه‌و دبێژن: خودايێ مه تو ڕۆناهییا مه بۆ مه پێك بينه حه‌تا ئه‌م ژ پرا صراطێ ده‌رباز دبين، ودچينه به‌حه‌شتێ، وتو گونه‌هان بۆ مه ڤه‌شێره، هندى تويى تو ل سه‌ر هه‌ر تشته‌كى يێ خودان شيانى.