قورئانا پیرۆز › سورەتا التحريم › ئایەتا ٨
سورەتا التحريم · ئایەتا ٨ ب تەفسیرا کوردی
At-Tahrim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَـٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَـٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ ﴿٦﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين خۆ وعه‌يالێ خۆ ب گوهدانا فه‌رمانا خودێ ژ وى ئاگرى بپارێزن يێ ب مرۆڤ وبه‌ران دئێته هلكرن، هنده‌ك ملياكه‌تێن ب هێز وزڤر خه‌لكێ وى ئاگرى عه‌زاب دده‌ن، وئه‌و بێ ئه‌مرییا خودێ ناكه‌ن، ووى تشتى دكه‌ن يێ فه‌رمان پێ ل وان دئێته‌كرن.
يَـٰٓأَيُّهَا ٱلَّذِينَ كَفَرُواْ لَا تَعۡتَذِرُواْ ٱلۡيَوۡمَۖ إِنَّمَا تُجۡزَوۡنَ مَا كُنتُمۡ تَعۡمَلُونَ ﴿٧﴾
وده‌مێ ئه‌وێن كوفر ب ته‌وحيدا خودێ كرى دچنه ئاگرى بۆ وان دئێته گۆتن: هوين ئه‌ڤرۆ چو هێجه‌تان بۆ خۆ نه‌گرن؛ چونكى هه‌ما ب وى تشتى هوين دێ ئێنه جزادان يێ هه‌وه د دنيايێ دا دكر.
يَـٰٓأَيُّهَا ٱلَّذِينَ ءَامَنُواْ تُوبُوٓاْ إِلَى ٱللَّهِ تَوۡبَةٗ نَّصُوحًا عَسَىٰ رَبُّكُمۡ أَن يُكَفِّرَ عَنكُمۡ سَيِّـَٔاتِكُمۡ وَيُدۡخِلَكُمۡ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ يَوۡمَ لَا يُخۡزِي ٱللَّهُ ٱلنَّبِيَّ وَٱلَّذِينَ ءَامَنُواْ مَعَهُۥۖ نُورُهُمۡ يَسۡعَىٰ بَيۡنَ أَيۡدِيهِمۡ وَبِأَيۡمَٰنِهِمۡ يَقُولُونَ رَبَّنَآ أَتۡمِمۡ لَنَا نُورَنَا وَٱغۡفِرۡ لَنَآۖ إِنَّكَ عَلَىٰ كُلِّ شَيۡءٖ قَدِيرٞ ﴿٨﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى وكار ب شریعه‌تێ وى كرى، هوين ژ گونه‌هێن خۆ تۆبه بكه‌ن تۆبه‌يه‌كا وه‌سا يا زڤڕينا ل گونه‌هێ د دويڤ دا نه‌بت، به‌لكى خودايێ هه‌وه گونه‌هێن هه‌وه ژێ ببه‌ت، وهه‌وه بكه‌ته د وان به‌حه‌شتان دا يێن ڕويبار د بن قه‌سرێن وان دا دچن، ڕۆژا خودێ پێغه‌مبه‌رى وئه‌وێن د گه‌ل وى باوه‌رى ئيناى شه‌رمزار ناكه‌ت، ووان عه‌زاب ناده‌ت، به‌لكى قه‌درێ وان بلند دكه‌ت، ڕۆناهییا وان ل به‌راهییا وان و ل ڕاستا وان دچت، ئه‌و دبێژن: خودايێ مه تو ڕۆناهییا مه بۆ مه پێك بينه حه‌تا ئه‌م ژ پرا صراطێ ده‌رباز دبين، ودچينه به‌حه‌شتێ، وتو گونه‌هان بۆ مه ڤه‌شێره، هندى تويى تو ل سه‌ر هه‌ر تشته‌كى يێ خودان شيانى.
يَـٰٓأَيُّهَا ٱلنَّبِيُّ جَٰهِدِ ٱلۡكُفَّارَ وَٱلۡمُنَٰفِقِينَ وَٱغۡلُظۡ عَلَيۡهِمۡۚ وَمَأۡوَىٰهُمۡ جَهَنَّمُۖ وَبِئۡسَ ٱلۡمَصِيرُ ﴿٩﴾
ئه‌ى پێغه‌مبه‌ر تو جيهادا وان بكه يێن كوفر ئاشكه‌راكرى، وتو ب شيرى شه‌ڕێ وان بكه، وتو ب دياركرنا ده‌ليلان جيهادێ د گه‌ل وان ژى بكه يێن كوفر د دل دا ڤه‌شارتى، وتو دژوارى وزڤڕاتییێ د گه‌ل هه‌ر دو ده‌سته‌كان ب كار بينه، وجهێ وان يێ ئه‌و ل ئاخره‌تێ لێ دزڤڕن جه‌هنه‌مه، وپيسه جهێ لێ زڤرينێیه يێ ئه‌و دچنێ.
ضَرَبَ ٱللَّهُ مَثَلٗا لِّلَّذِينَ كَفَرُواْ ٱمۡرَأَتَ نُوحٖ وَٱمۡرَأَتَ لُوطٖۖ كَانَتَا تَحۡتَ عَبۡدَيۡنِ مِنۡ عِبَادِنَا صَٰلِحَيۡنِ فَخَانَتَاهُمَا فَلَمۡ يُغۡنِيَا عَنۡهُمَا مِنَ ٱللَّهِ شَيۡـٔٗا وَقِيلَ ٱدۡخُلَا ٱلنَّارَ مَعَ ٱلدَّـٰخِلِينَ ﴿١٠﴾
خودێ مه‌ته‌له‌ك ل سه‌ر حالێ ڤان كافران ئينا -كو ئه‌و تێكه‌لییا موسلمانان دكه‌ن وئه‌ڤ تێكه‌لییه چو مفاى ناگه‌هينته وان- ب حالێ ژنا پێغه‌مبه‌رێ خودێ نووحى، وژنا پێغه‌مبه‌رێ خودێ لووطى: ئه‌و هه‌ردو ژنێن دو به‌نییێن مه يێن چاك بوون، ئينا وان خيانه‌ت د دينى دا ل وان كر، وهه‌ردو كافر بوون، ڤێجا ڤان هه‌ردو پێغه‌مبه‌ران چو مفا نه‌گه‌هانده وان ده‌مێ عه‌زابا خودێ ب سه‌ر وان دا هاتى، وبۆ وان هه‌ردو ژنكان هاته گۆتن: هوين ژى د گه‌ل وان هه‌ڕن يێن دچنه ئاگرى. وئه‌ڤه ده‌ليله كو مرۆڤاينییا پێغه‌مبه‌ر وچاكان چو مفاى ناگه‌هينته مرۆڤى ئه‌گه‌ر كارێ مرۆڤى يێ خراب بت.