قورئانا پیرۆز › سورەتا التوبة › ئایەتا ٣٠
سورەتا التوبة · ئایەتا ٣٠ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَـٰٓأَيُّهَا ٱلَّذِينَ ءَامَنُوٓاْ إِنَّمَا ٱلۡمُشۡرِكُونَ نَجَسٞ فَلَا يَقۡرَبُواْ ٱلۡمَسۡجِدَ ٱلۡحَرَامَ بَعۡدَ عَامِهِمۡ هَٰذَاۚ وَإِنۡ خِفۡتُمۡ عَيۡلَةٗ فَسَوۡفَ يُغۡنِيكُمُ ٱللَّهُ مِن فَضۡلِهِۦٓ إِن شَآءَۚ إِنَّ ٱللَّهَ عَلِيمٌ حَكِيمٞ ﴿٢٨﴾
گه‌لى خودان باوه‌ران هه‌ما بوتپه‌رێس دپيسن، ڤێجا هوين نه‌هێلن ژ ئه‌ڤ ساله وێڤه -كو سالا نه‌هێ مشه‌ختییه- ئه‌و نێزيكى حه‌ره‌مێ ببن، وئه‌گه‌ر هوين ژ هه‌ژارییه‌كێ ترسیان كو بازرگانییا هه‌وه د گه‌ل وان نه‌ما، هندى خودێیه دێ وێ بۆ هه‌وه به‌ده‌ل ڤه‌كه‌ت، و -ئه‌گه‌ر وى بڤێت- ئه‌و ژ قه‌نجییا خۆ تێرا هه‌وه دێ ده‌ته هه‌وه، هندى خودێیه ب حالێ هه‌وه يێ پڕزانايه، و د ڕێڤه‌برنا خۆ دا بۆ كارێ هه‌وه يێ كاربنه‌جهه.
قَٰتِلُواْ ٱلَّذِينَ لَا يُؤۡمِنُونَ بِٱللَّهِ وَلَا بِٱلۡيَوۡمِ ٱلۡأٓخِرِ وَلَا يُحَرِّمُونَ مَا حَرَّمَ ٱللَّهُ وَرَسُولُهُۥ وَلَا يَدِينُونَ دِينَ ٱلۡحَقِّ مِنَ ٱلَّذِينَ أُوتُواْ ٱلۡكِتَٰبَ حَتَّىٰ يُعۡطُواْ ٱلۡجِزۡيَةَ عَن يَدٖ وَهُمۡ صَٰغِرُونَ ﴿٢٩﴾
گه‌لى موسلمانان هوين شه‌ڕێ وان كافران بكه‌ن یێن باوه‌رییێ ب خودێ و ب ڕۆژا ڕابوونێ وجزادانێ نه‌ئينن، وخۆ ژ وى تشتى نه‌ده‌نه پاش يێ خودێ وپێغه‌مبه‌رى ئه‌و ژێ داينه پاش، وپێگيرییێ ب ئه‌حكامێن شريعه‌تێ ئيسلامێ نه‌كه‌ن ژ جوهى وفه‌لان، حه‌تا ئه‌و ب ده‌ستێ خۆ وێ زێڕه‌سه‌رییێ (جزيێ) دده‌ن یا هوین ددانه سه‌ر وان وئه‌و دڕه‌زيل.
وَقَالَتِ ٱلۡيَهُودُ عُزَيۡرٌ ٱبۡنُ ٱللَّهِ وَقَالَتِ ٱلنَّصَٰرَى ٱلۡمَسِيحُ ٱبۡنُ ٱللَّهِۖ ذَٰلِكَ قَوۡلُهُم بِأَفۡوَٰهِهِمۡۖ يُضَٰهِـُٔونَ قَوۡلَ ٱلَّذِينَ كَفَرُواْ مِن قَبۡلُۚ قَٰتَلَهُمُ ٱللَّهُۖ أَنَّىٰ يُؤۡفَكُونَ ﴿٣٠﴾
ب ڕاستى جوهییان شريك بۆ خودێ دانا ده‌مێ وان ژ دره‌و گۆتى كو عوزه‌ير كوڕێ خودێیه. وفه‌لان شريك بۆ خودێ دانا ده‌مێ ژ دره‌و گۆتى كو مه‌سيح كوڕێ خودێیه. وان ئه‌ڤ گۆتنه ژ نك خۆ چێكرییه، وئه‌و ب ڤێ چه‌ندێ چاڤ ل گۆتنا بوتپه‌رێسێن به‌رى خۆ دكه‌ن. خودێ بوتپه‌رێسان هه‌مییان بكوژت چاوا ئه‌و به‌رێ خۆ ژ حه‌قییێ وه‌ردگێڕنه نه‌حه‌قییێ؟
ٱتَّخَذُوٓاْ أَحۡبَارَهُمۡ وَرُهۡبَٰنَهُمۡ أَرۡبَابٗا مِّن دُونِ ٱللَّهِ وَٱلۡمَسِيحَ ٱبۡنَ مَرۡيَمَ وَمَآ أُمِرُوٓاْ إِلَّا لِيَعۡبُدُوٓاْ إِلَٰهٗا وَٰحِدٗاۖ لَّآ إِلَٰهَ إِلَّا هُوَۚ سُبۡحَٰنَهُۥ عَمَّا يُشۡرِكُونَ ﴿٣١﴾
جوهى وفه‌لان زانا وعيباده‌تكه‌ر بۆ خۆ كرنه خوداوه‌ند، وان شريعه‌ت بۆ ددانان، ڤێجا وان پێگيرى پێ دكر وشريعه‌تێ خودێ دهێلا، ووان عيسايێ مه‌سيح كوڕێ مه‌ريه‌مێ بۆ خۆ كره خودێ وپه‌رستن بۆ كر، وخودێ فه‌رمان ب ته‌وحيدێ ل وان هه‌مییان كربوو كو ئه‌و په‌رستنا خودایه‌كێ ب تنێ بكه‌ن و ژ وى پێڤه‌تر چو خودايێن ڕاست نينن. يێ پاك وپيرۆز بت ژ وى تشتێ موشرك وسه‌رداچووى د ده‌رحه‌قا وى دا دبێژن.
يُرِيدُونَ أَن يُطۡفِـُٔواْ نُورَ ٱللَّهِ بِأَفۡوَٰهِهِمۡ وَيَأۡبَى ٱللَّهُ إِلَّآ أَن يُتِمَّ نُورَهُۥ وَلَوۡ كَرِهَ ٱلۡكَٰفِرُونَ ﴿٣٢﴾
كافران دڤێت ب كوفرا خۆ دينێ ئيسلامێ پويچ بكه‌ن، وده‌ليلێن ته‌وحیدا خودێ يێن موحه‌ممه‌د -سلاڤ لێ بن- پێ هاتى پويچ بكه‌ن، وخودێ ل به‌ر نائێت ئه‌گه‌ر دينێ خۆ پێك نه‌ئينت وئاشكه‌را نه‌كه‌ت، وپه‌يڤا خۆ بلند نه‌كه‌ت، ئه‌گه‌ر خۆ كافران ب ڤێ نه‌خۆش بت ژى.