قورئانا پیرۆز › سورەتا التوبة › ئایەتا ٩٢
سورەتا التوبة · ئایەتا ٩٢ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَجَآءَ ٱلۡمُعَذِّرُونَ مِنَ ٱلۡأَعۡرَابِ لِيُؤۡذَنَ لَهُمۡ وَقَعَدَ ٱلَّذِينَ كَذَبُواْ ٱللَّهَ وَرَسُولَهُۥۚ سَيُصِيبُ ٱلَّذِينَ كَفَرُواْ مِنۡهُمۡ عَذَابٌ أَلِيمٞ ﴿٩٠﴾
وكۆمه‌ك ژ ئويجاخێن عه‌ره‌بان يێن ل دۆر وبه‌رێن (مه‌دينێ) هاتنه نك پێغه‌مبه‌رێ خودێ سلاڤ لێ بن؛ دا عوزرێ بۆ خۆ ڤه‌خوازن، وبۆ وى ئاشكه‌را بكه‌ن كو ئه‌و دلاوازن ونه‌شێن بۆ غه‌زايێ ده‌ركه‌ڤن، وهنده‌ك بێى عوزه‌ركێ بۆ خۆ ڤه‌خوازن ڕوينشتن وه‌ك خۆبسته‌كرن ل سه‌ر پێغه‌مبه‌رێ خودێ سلاڤ لێ بن. ئه‌وێن كافربووين ژ ڤان عه‌زابه‌كا ب ئێش د دنيايێ دا ب كوشتنێ دێ گه‌هتێ، و ل ئاخره‌تێ ب ئاگرى.
لَّيۡسَ عَلَى ٱلضُّعَفَآءِ وَلَا عَلَى ٱلۡمَرۡضَىٰ وَلَا عَلَى ٱلَّذِينَ لَا يَجِدُونَ مَا يُنفِقُونَ حَرَجٌ إِذَا نَصَحُواْ لِلَّهِ وَرَسُولِهِۦۚ مَا عَلَى ٱلۡمُحۡسِنِينَ مِن سَبِيلٖۚ وَٱللَّهُ غَفُورٞ رَّحِيمٞ ﴿٩١﴾
چو گونه‌هـ ل سه‌ر خودان عوزران ژ لاواز ونه‌ساخ وهه‌ژارێن مال نه‌بت پێ ده‌ركه‌ڤنه جيهادێ نينه كو ئه‌و ده‌رنه‌كه‌ڤن ئه‌گه‌ر ئه‌و دلێ خۆ بۆ خودێ وپێغه‌مبه‌رێ وى صافى بكه‌ن، وكارى ب شريعه‌تێ وى بكه‌ن، وچو ل سه‌ر وى نینه ئه‌وێ قه‌نجییێ بكه‌ت ژ وان يێن ب عوزر د گه‌ل پێغه‌مبه‌رى سلاڤ لێ بن ده‌رنه‌كه‌فتينه جيهادێ كو پێ لێ بێته‌گرتن وجزادان، ئه‌گه‌ر ئه‌و شيره‌تێ بۆ خودێ وپێغه‌مبه‌رێ وى بكه‌ت. وخودێ باش گونه‌هـ ژێبره بۆ قه‌نجيكاران، ويێ دلۆڤانكاره ب وان.
وَلَا عَلَى ٱلَّذِينَ إِذَا مَآ أَتَوۡكَ لِتَحۡمِلَهُمۡ قُلۡتَ لَآ أَجِدُ مَآ أَحۡمِلُكُمۡ عَلَيۡهِ تَوَلَّواْ وَّأَعۡيُنُهُمۡ تَفِيضُ مِنَ ٱلدَّمۡعِ حَزَنًا أَلَّا يَجِدُواْ مَا يُنفِقُونَ ﴿٩٢﴾
هه‌ر وه‌سا چو گونه‌هـ ل سه‌ر وان ژى نينه ئه‌وێن ئه‌گه‌ر هاتنه نك ته دا تو هاريكارییا وان بكه‌ى ووان بۆ جيهادێ هلگرى تو بێژییێ: ئه‌ز چو پێڕهه‌كى نابينم هه‌وه لێ سويار بكه‌م، ئه‌و دچن پشت دده‌نه ته، وچاڤێن وان ژ ڕۆندكان تژى دبن كو خێرا جيهادێ ژ ده‌ست وان ده‌ركه‌فتى؛ چونكى ئه‌و چو تشته‌كى نابينن خه‌رج بكه‌ن، وبۆ جيهادا د ڕێكا خودێ دا لێ سويار ببن.
۞إِنَّمَا ٱلسَّبِيلُ عَلَى ٱلَّذِينَ يَسۡتَـٔۡذِنُونَكَ وَهُمۡ أَغۡنِيَآءُۚ رَضُواْ بِأَن يَكُونُواْ مَعَ ٱلۡخَوَالِفِ وَطَبَعَ ٱللَّهُ عَلَىٰ قُلُوبِهِمۡ فَهُمۡ لَا يَعۡلَمُونَ ﴿٩٣﴾
لۆمه وگونه‌هـ هه‌ما ل سه‌ر وان ده‌وله‌مه‌ندانه يێن هاتينه نك ته -ئه‌ى پێغه‌مبه‌ر- ده‌ستويرییێ ژ ته دخوازن كو ئه‌و ده‌رنه‌كه‌ڤن، وئه‌و بوونه ژ وان منافقان يێن ب ڕوينشتنا د گه‌ل ژن وخودان عوزران ڕازى بووين، وخودێ خه‌تم ب نفاقێ ل سه‌ر دلێن وان دايه، ڤێجا باوه‌رى تێ ناچت، وئه‌و دويماهییا خراب يا پاشڤه‌مانا خۆ وهێلانا جيهادێ د گه‌ل ته نزانن.
يَعۡتَذِرُونَ إِلَيۡكُمۡ إِذَا رَجَعۡتُمۡ إِلَيۡهِمۡۚ قُل لَّا تَعۡتَذِرُواْ لَن نُّؤۡمِنَ لَكُمۡ قَدۡ نَبَّأَنَا ٱللَّهُ مِنۡ أَخۡبَارِكُمۡۚ وَسَيَرَى ٱللَّهُ عَمَلَكُمۡ وَرَسُولُهُۥ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ ﴿٩٤﴾
گه‌لی خودان باوه‌ران ده‌مێ هوين ژ غه‌زايا (ته‌بووكێ) دزڤڕنه‌ڤه ئه‌وێن ب هێجه‌تێن دره‌و خۆ ژ جيهادا بوتپه‌رێسان دایه‌پاش دێ داخوازا لێبۆرينێ ژ هه‌وه كه‌ن، تو -ئه‌ى پێغه‌مبه‌ر- بێژه وان: هوین چو هێجه‌تان بۆ خۆ نه‌گرن، ئه‌م باوه‌ر ژ گۆتنا هه‌وه ناكه‌ين، ب ڕاستى خودێ وه‌سا به‌حسێ هه‌وه بۆ مه يێ كرى كو ئه‌م ب دره‌وا هه‌وه زانا ببين، وخودێ وپێغه‌مبه‌رێ وى دێ كارێ هه‌وه بينن، كانێ هوين دێ ژ نفاقا خۆ تۆبه كه‌ن، يان نه، وخودێ كريارێن هه‌وه د دنيايێ دا بۆ مرۆڤان دێ ئاشكه‌را كه‌ت، پاشى هوين پشتى مرنێ دێ زڤڕنه نك وى يێ كريارێن هه‌وه يێن ئاشكه‌را وڤه‌شارتى لێ به‌رزه نه‌بن، ڤێجا ئه‌و دێ به‌حسێ كريارێن هه‌وه هه‌مییان بۆ هه‌وه كه‌ت، ودێ هه‌وه سه‌را وان جزا ده‌ت.