قورئانا پیرۆز › سورەتا فصلت › ئایەتا ١٤
سورەتا فصلت · ئایەتا ١٤ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَقَضَىٰهُنَّ سَبۡعَ سَمَٰوَاتٖ فِي يَوۡمَيۡنِ وَأَوۡحَىٰ فِي كُلِّ سَمَآءٍ أَمۡرَهَاۚ وَزَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَحِفۡظٗاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ ﴿١٢﴾
ئينا خودێ ئافراندن ودورستكرنا هه‌ر حه‌فت عه‌سمانان د دو ڕۆژان دا پێكئينا، و ب ڤێ چه‌ندێ ژ به‌ر حكمه‌ته‌كا خودێ پێ دزانت ئافراندنا عه‌رد وعه‌سمانان د شه‌ش ڕۆژان دا ب دويماهى هات، هه‌ر چه‌نده خودێ دشيا وان د ئێك ده‌ليڤه‌يێ دا بئافرينت، ووى د هه‌ر عه‌سمانه‌كى دا وه‌حى ب وى كار ووێ فه‌رمانێ هنارت يا وى تێدا ڤياى، ومه عه‌سمانێ دنيايێ ب ستێرێن گه‌ش خه‌ملاند، ودا ئه‌و پێ ژ وان شه‌يتانان بێته پاراستن يێن كو ب دزى ڤه گوهدانێ دكه‌ن، ئه‌و ئافراندنا جوان پيڤان وقه‌ده‌را وى خودايیه يێ د ملكێ خۆ دا زال، ويێ پڕزانا ئه‌وێ زانينا وى دۆر ل هه‌مى تشتان گرتى.
فَإِنۡ أَعۡرَضُواْ فَقُلۡ أَنذَرۡتُكُمۡ صَٰعِقَةٗ مِّثۡلَ صَٰعِقَةِ عَادٖ وَثَمُودَ ﴿١٣﴾
ڤێجا ئه‌گه‌ر ڤان دره‌وپێكه‌ران پشتى ڤێ هه‌مى ئاشكه‌راكرنا سالۆخه‌تێن خودايێ مه‌زن وقورئانا پيرۆز پشت دا، تو بێژه وان: ب ڕاستى من هوين ژ وێ عه‌زابێ ترساندن يا كو هه‌وه ژ بن ببه‌ت وه‌كى عه‌زابا عاد وثه‌موودییان ده‌مێ وان كوفر ب خودايێ خۆ كرى وگوهدارییا پێغه‌مبه‌رێن وى نه‌كرى.
إِذۡ جَآءَتۡهُمُ ٱلرُّسُلُ مِنۢ بَيۡنِ أَيۡدِيهِمۡ وَمِنۡ خَلۡفِهِمۡ أَلَّا تَعۡبُدُوٓاْ إِلَّا ٱللَّهَۖ قَالُواْ لَوۡ شَآءَ رَبُّنَا لَأَنزَلَ مَلَـٰٓئِكَةٗ فَإِنَّا بِمَآ أُرۡسِلۡتُم بِهِۦ كَٰفِرُونَ ﴿١٤﴾
ده‌مێ هنده‌ك پێغه‌مبه‌ر ل دويڤ هنده‌كان بۆ عاد وثه‌موودییان هاتين، فه‌رمان ب په‌رستنا خودايه‌كێ ب تنێ ل وان كرى، ئينا وان گۆته پێغه‌مبه‌رێن خۆ: ئه‌گه‌ر خودايێ مه ڤيابا ئه‌م په‌رستنا وى ب تنێ بكه‌ين وچو شريكان بۆ چێ نه‌كه‌ين، ئه‌و دا هنده‌ك فريشته‌يان بۆ مه ژ عه‌سمانى ب وێ ئينته خوارێ يا هوين مه بۆ گازى دكه‌ن، نه‌كو دا هه‌وه بۆ مه هنێرت وهوين ژى وه‌كى مه مرۆڤن، ڤێجا هندى ئه‌مين ئه‌م ب وێ يا خودێ هوين بۆ مه پێ هنارتين دكافرين.
فَأَمَّا عَادٞ فَٱسۡتَكۡبَرُواْ فِي ٱلۡأَرۡضِ بِغَيۡرِ ٱلۡحَقِّ وَقَالُواْ مَنۡ أَشَدُّ مِنَّا قُوَّةًۖ أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَهُمۡ هُوَ أَشَدُّ مِنۡهُمۡ قُوَّةٗۖ وَكَانُواْ بِـَٔايَٰتِنَا يَجۡحَدُونَ ﴿١٥﴾
ڤێجا هندى عادێن ملله‌تێ هوودى بوون وان بێ حه‌ق د عه‌ردى دا خۆ ل سه‌ر سه‌رێ خه‌لكى مه‌زن كر، ووان ب دفنبلندى ڤه گۆت: هێزا كێ ژ يا مه دژوارتره؟ ئه‌رێ ما وان نه‌زانییه كو خودايێ ئه‌و ئافراندين ژ وان هێز دژوارتره؟ ووان كوفر ب ئايه‌ت وده‌ليلێن مه دكر.
فَأَرۡسَلۡنَا عَلَيۡهِمۡ رِيحٗا صَرۡصَرٗا فِيٓ أَيَّامٖ نَّحِسَاتٖ لِّنُذِيقَهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَخۡزَىٰۖ وَهُمۡ لَا يُنصَرُونَ ﴿١٦﴾
ئينا مه بايه‌كێ سه‌رمايه‌كا دژوار وده‌نگه‌كێ بلند د گه‌ل دا ل هنده‌ك ڕۆژێن بێ ئيفله‌ح ب سه‌ر وان دا هنارت؛ دا ئه‌م وێ عه‌زابێ ب وان بده‌ينه تامكرن يا ئه‌و د ژينا دنيايێ دا پێ ڕه‌زيل وشه‌رمزار ببن، وعه‌زابا ئاخره‌تێ پتر يا ب شه‌رمزارییه، وئه‌و ب پاشڤه‌برنا عه‌زابێ ژ وان نائێنه ب سه‌ر ئێخستن.