قورئانا پیرۆز › سورەتا إبراهيم › ئایەتا ٤٨
سورەتا إبراهيم · ئایەتا ٤٨ ب تەفسیرا کوردی
Ibrahim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَدۡ مَكَرُواْ مَكۡرَهُمۡ وَعِندَ ٱللَّهِ مَكۡرُهُمۡ وَإِن كَانَ مَكۡرُهُمۡ لِتَزُولَ مِنۡهُ ٱلۡجِبَالُ ﴿٤٦﴾
وبوتپه‌رێسان پيلان بۆ كوشتنا پێغه‌مبه‌رى -سلاڤ لێ بن- گێڕان دا وى بكوژن، وپيلانا وان ل نك خودێیه ووى دۆرا ل وان گرتى، وپيلانا وان ل وان زڤڕى ڤه، وپيلانا وان ئه‌و نه‌بوو يا چيا ژ به‌ر ژ جهـ بچن، به‌لكى پيلانه‌كا لاواز بوو، ووان چو زيان نه‌گه‌هانده خودێ، به‌لكى وان زيان گه‌هانده خۆ.
فَلَا تَحۡسَبَنَّ ٱللَّهَ مُخۡلِفَ وَعۡدِهِۦ رُسُلَهُۥٓۚ إِنَّ ٱللَّهَ عَزِيزٞ ذُو ٱنتِقَامٖ ﴿٤٧﴾
ڤێجا تو -ئه‌ى پێغه‌مبه‌ر- قه‌ت هزر نه‌كه كو خودێ وێ سۆزا خۆ ب جهـ نائينت يا وى دايه پێغه‌مبه‌رێن خۆ كو ئه‌و وان ب سه‌ربێخت ونه‌يارێن وان تێ ببه‌ت. هندى خودێیه يێ زاله چو ل به‌ر وى ئاسێ نابت، ب دژوارترين تۆلێ ئه‌و تۆلێ ل دوژمنێن خۆ ڤه‌دكه‌ت.
يَوۡمَ تُبَدَّلُ ٱلۡأَرۡضُ غَيۡرَ ٱلۡأَرۡضِ وَٱلسَّمَٰوَٰتُۖ وَبَرَزُواْ لِلَّهِ ٱلۡوَٰحِدِ ٱلۡقَهَّارِ ﴿٤٨﴾
وتۆلڤه‌كرنا خودێ ژ دوژمنان ل ڕۆژا قيامه‌تێیه ده‌مێ ئه‌ڤ عه‌رده ب عه‌رده‌كێ دى يێ سپى وزه‌لال وه‌كى زيڤى دئێته گوهاڕتن، وعه‌سمان ژى ب هنده‌كێن دى دئێنه گوهارتن، وخه‌لك هه‌مى بۆ ديدارا خودايێ خۆ يێ ئێك و ب سه‌رڤه‌هاتى ژ گۆڕێن خۆ ڕادبنه‌ڤه.
وَتَرَى ٱلۡمُجۡرِمِينَ يَوۡمَئِذٖ مُّقَرَّنِينَ فِي ٱلۡأَصۡفَادِ ﴿٤٩﴾
وتو -ئه‌ى پێغه‌مبه‌ر- ل ڕۆژا قيامه‌تێ تاوانباران دبينى ب قه‌يدان دگرێداينه، ده‌ست وپییێن وان ب زنجيران يێن گه‌هاندينه ئێك، وئه‌و دڕه‌زيل وشه‌رمزارن.
سَرَابِيلُهُم مِّن قَطِرَانٖ وَتَغۡشَىٰ وُجُوهَهُمُ ٱلنَّارُ ﴿٥٠﴾
جلكێن وان ژ وێ قه‌ترانێیه يا زوى دئێته سۆتن، وئاگر ب ڕوییێن وان ڕا دچت ودسۆژت.