قورئانا پیرۆز › سورەتا سبأ › ئایەتا ٣٩
سورەتا سبأ · ئایەتا ٣٩ ب تەفسیرا کوردی
Saba
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَآ أَمۡوَٰلُكُمۡ وَلَآ أَوۡلَٰدُكُم بِٱلَّتِي تُقَرِّبُكُمۡ عِندَنَا زُلۡفَىٰٓ إِلَّا مَنۡ ءَامَنَ وَعَمِلَ صَٰلِحٗا فَأُوْلَـٰٓئِكَ لَهُمۡ جَزَآءُ ٱلضِّعۡفِ بِمَا عَمِلُواْ وَهُمۡ فِي ٱلۡغُرُفَٰتِ ءَامِنُونَ ﴿٣٧﴾
ونه مالێ هه‌وه ونه عه‌يالێ هه‌وه‌يه هه‌وه نێزيكى مه دكه‌ت، وده‌ره‌جێن هه‌وه بلند دكه‌ت، به‌لێ هه‌چییێ باوه‌رییێ ب خودێ بينت وچاكییێ بكه‌ت ئه‌وان خێره‌كا دوقات بۆ هه‌يه، وخێر ب ده‌هانه، وهندى خودێ حه‌ز بكه‌ت ئه‌و وێ زێده‌تر لێ دكه‌ت، وئه‌و د ژۆرێن به‌حه‌شتێ يێن بلند دا دڕحه‌ت وته‌نانه ژ عه‌زاب ومرن ونه‌خۆشییان.
وَٱلَّذِينَ يَسۡعَوۡنَ فِيٓ ءَايَٰتِنَا مُعَٰجِزِينَ أُوْلَـٰٓئِكَ فِي ٱلۡعَذَابِ مُحۡضَرُونَ ﴿٣٨﴾
وئه‌وێن به‌رگه‌ڕيانێ دكه‌ن دا ئايه‌تێن مه پويچ بكه‌ن، وبه‌رێ خه‌لكى ژ ڕێكا خودێ بده‌نه پاش ودا مه بێزار بكه‌ن، ئه‌وێن هه ڕۆژا قيامه‌تێ د عه‌زابێ دانه، زه‌بانى دێ ل نك وان ئاماده بن، وئه‌و ژێ ده‌رناكه‌ڤن.
قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥۚ وَمَآ أَنفَقۡتُم مِّن شَيۡءٖ فَهُوَ يُخۡلِفُهُۥۖ وَهُوَ خَيۡرُ ٱلرَّـٰزِقِينَ ﴿٣٩﴾
تو -ئه‌ى پێغه‌مبه‌ر- بێژه ڤان يێن ب مال وعه‌يالێ خۆ خڕياين: هندى خودايێ منه ڕزقى بۆ وى به‌رفره‌هـ دكه‌ت يێ وى بڤێت ژ به‌نییێن خۆ، و ل سه‌ر وى به‌رته‌نگ دكه‌ت يێ وى بڤێت؛ ژ به‌ر حكمه‌ته‌كا ئه‌و پێ دزانت، وچى تشته‌كێ هوين خه‌رج بكه‌ن ژ وى يێ فه‌رمان پێ ل هه‌وه هاتییه‌كرن ئه‌و د دنيايێ دا دێ بۆ هه‌وه به‌ده‌ل ڤه كه‌ت، و ل ئاخره‌تێ خێرێ دێ ده‌ته هه‌وه، وخودێیه چێترينێ ڕزقده‌هان، ڤێجا هوين داخوازا ڕزقى بۆ خۆ ژ وى ب تنێ بكه‌ن، وئه‌گه‌رێن داخوازا ڕزقى يێن فه‌رمان پێ ل هه‌وه هاتییه‌كرن بۆ خۆ ب جهـ بينن.
وَيَوۡمَ يَحۡشُرُهُمۡ جَمِيعٗا ثُمَّ يَقُولُ لِلۡمَلَـٰٓئِكَةِ أَهَـٰٓؤُلَآءِ إِيَّاكُمۡ كَانُواْ يَعۡبُدُونَ ﴿٤٠﴾
وتو -ئه‌ى پێغه‌مبه‌ر- به‌حسێ وێ ڕۆژێ بكه يا خودێ بوتپه‌رێسان وئه‌و ملياكه‌تێن وان په‌رستن بۆ دكر تێدا كۆم دكه‌ت، پاشى ئه‌و دبێژته ملياكه‌تان: ئه‌رێ ئه‌وێن هه ژبلى مه په‌رستن بۆ هه‌وه دكر؟
قَالُواْ سُبۡحَٰنَكَ أَنتَ وَلِيُّنَا مِن دُونِهِمۖ بَلۡ كَانُواْ يَعۡبُدُونَ ٱلۡجِنَّۖ أَكۡثَرُهُم بِهِم مُّؤۡمِنُونَ ﴿٤١﴾
ملياكه‌تان گۆت: ئه‌ى خودا، ئه‌م ته پاك وپيرۆز دكه‌ين كو ته شريكه‌ك د په‌رستنێ دا هه‌بت، تو سه‌ركارێ مه‌يى يێ ئه‌م گوهدارى وپه‌رستنێ بۆ وى ب تنێ دكه‌ين، نێ ڤان په‌رستنا شه‌يتانان دكر، پترییا وان باوه‌رى پێ هه‌بوو وگوهدارى بۆ دكر.