قورئانا پیرۆز › سورەتا سبأ › ئایەتا ٤٨
سورەتا سبأ · ئایەتا ٤٨ ب تەفسیرا کوردی
Saba
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞قُلۡ إِنَّمَآ أَعِظُكُم بِوَٰحِدَةٍۖ أَن تَقُومُواْ لِلَّهِ مَثۡنَىٰ وَفُرَٰدَىٰ ثُمَّ تَتَفَكَّرُواْۚ مَا بِصَاحِبِكُم مِّن جِنَّةٍۚ إِنۡ هُوَ إِلَّا نَذِيرٞ لَّكُم بَيۡنَ يَدَيۡ عَذَابٖ شَدِيدٖ ﴿٤٦﴾
تو -ئه‌ى پێغه‌مبه‌ر- بێژه ڤان دره‌وپێكه‌رێن ڕكدار: هه‌ما ب تشته‌كى ب تنێ ئه‌ز شيره‌تێ ل هه‌وه دكه‌م كو هوين د فه‌رمانا خودێ دا دو دووه وئێك ئێكه ڕابن، پاشى هوين هزرێن خۆ د حالێ هه‌ڤالێ خۆ پێغه‌مبه‌رێ خودێ دا -سلاڤ لێ بن- و د وى تشتى دا يێ بۆ وى هاتییه پالدان بكه‌ن، چو ديناتى ل نك وى نينه، وهه‌ما ب تنێ ئه‌و هه‌وه هشيار دكه‌ت، و ژ عه‌زابا جه‌هنه‌مێ دترسينت به‌رى هوين تام بكه‌نه گه‌رما وێ.
قُلۡ مَا سَأَلۡتُكُم مِّنۡ أَجۡرٖ فَهُوَ لَكُمۡۖ إِنۡ أَجۡرِيَ إِلَّا عَلَى ٱللَّهِۖ وَهُوَ عَلَىٰ كُلِّ شَيۡءٖ شَهِيدٞ ﴿٤٧﴾
تو -ئه‌ى پێغه‌مبه‌ر- بێژه كافران: سه‌را وێ خێرێ يا ئه‌ز بۆ هه‌وه پێ هاتيم من پسيارا چو كرێیان ژ هه‌وه نه‌كرییه، هندى كرێیا منه يا ئه‌ز چاڤه‌ڕێ دكه‌م، هه‌ما ل سه‌ر خودێیه ئه‌وێ ب كارێ من ويێ هه‌وه ئاگه‌هدار، تشته‌ك ل به‌ر وى به‌رزه نابت، وئه‌و جزايێ هه‌ر ئێكى ب دورستى دده‌تێ.
قُلۡ إِنَّ رَبِّي يَقۡذِفُ بِٱلۡحَقِّ عَلَّـٰمُ ٱلۡغُيُوبِ ﴿٤٨﴾
تو -ئه‌ى پێغه‌مبه‌ر- بێژه وى يێ باوه‌رییێ ب ته‌وحيدێ وپه‌ياما ئيسلامێ نه‌ئينت: هندى خودايێ منه ده‌ليلێن ڕاستییێ د نه‌ڕاستییێ وه‌ردكه‌ت، ڤێجا نه‌ڕاستییێ پويچ وڕسوا دكه‌ت، وخودێ پڕزانايێ تشتێ نه‌به‌رچاڤه، چو تشت نه ل عه‌ردى ونه ل عه‌سمانى ل به‌ر وى به‌رزه نابت.
قُلۡ جَآءَ ٱلۡحَقُّ وَمَا يُبۡدِئُ ٱلۡبَٰطِلُ وَمَا يُعِيدُ ﴿٤٩﴾
تو -ئه‌ى پێغه‌مبه‌ر- بێژه: حه‌قى وشريعه‌تێ مه‌زن ژ نك خودێ هاتییه، ونه‌حه‌قى چوو وده‌سهه‌لاتا وێ نه‌ما، ڤێجا تشته‌ك د ده‌ستێ نه‌حه‌قییێ دا نه‌ما ئه‌و بينت وببه‌ت.
قُلۡ إِن ضَلَلۡتُ فَإِنَّمَآ أَضِلُّ عَلَىٰ نَفۡسِيۖ وَإِنِ ٱهۡتَدَيۡتُ فَبِمَا يُوحِيٓ إِلَيَّ رَبِّيٓۚ إِنَّهُۥ سَمِيعٞ قَرِيبٞ ﴿٥٠﴾
تو بێژه: ئه‌گه‌ر ئه‌ز به‌رێ خۆ ژ حه‌قییێ وه‌رگێڕم گونه‌ها من ل سه‌ر منه، وئه‌گه‌ر ئه‌ز بمينمه ل سه‌ر حه‌قییێ ئه‌و ژ به‌ر وێ وه‌حییێيه يا خودێ بۆ من دهنێرت، هندى خودايێ منه گوهدێرێ وێ گۆتنێیه يا ئه‌ز دبێژمه هه‌وه، يێ نێزيكى وییه يێ دوعایان ژێ بكه‌ت.