قورئانا پیرۆز › سورەتا ص › ئایەتا ١٨
سورەتا ص · ئایەتا ١٨ ب تەفسیرا کوردی
Sad
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالُواْ رَبَّنَا عَجِّل لَّنَا قِطَّنَا قَبۡلَ يَوۡمِ ٱلۡحِسَابِ ﴿١٦﴾
ووان گۆت: خودايێ مه تو د دنيايێ دا به‌رى ئاخره‌تێ، له‌زێ بۆ مه ل بارا مه يا عه‌زابێ بكه. ووان بۆ تڕانه ئه‌ڤ گۆتنه گۆت.
ٱصۡبِرۡ عَلَىٰ مَا يَقُولُونَ وَٱذۡكُرۡ عَبۡدَنَا دَاوُۥدَ ذَا ٱلۡأَيۡدِۖ إِنَّهُۥٓ أَوَّابٌ ﴿١٧﴾
تو -ئه‌ى پێغه‌مبه‌ر- بێهنا خۆ ل سه‌ر گۆتنا وان يا بۆ ته نه‌خۆش فره‌هـ بكه، وتو به‌حسێ به‌نییێ مه داوودى بكه ئه‌وێ خودان هێز ل سه‌ر دوژمنێن خودێ ويێ صه‌بركێش ل سه‌ر گوهدارییا خودێ، هندى ئه‌وه وى گه‌له‌ك تۆبه دكر و ل وى تشتى دزڤڕى يێ خودێ ژێ ڕازى. و د ڤێ چه‌ندێ دا صه‌برئينانه‌ك بۆ پێغه‌مبه‌رى سلاڤ لێ بن هه‌يه.
إِنَّا سَخَّرۡنَا ٱلۡجِبَالَ مَعَهُۥ يُسَبِّحۡنَ بِٱلۡعَشِيِّ وَٱلۡإِشۡرَاقِ ﴿١٨﴾
هندى ئه‌مين مه چيا د گه‌ل داوودى بنده‌ست كربوون، وان سپێده وئێڤاران د گه‌ل وى ته‌سبيح دكرن.
وَٱلطَّيۡرَ مَحۡشُورَةٗۖ كُلّٞ لَّهُۥٓ أَوَّابٞ ﴿١٩﴾
ومه ته‌ير ژى د گه‌ل وى بنده‌ست كربوون كۆم كۆمه وان ته‌سبيح دكرن، وئه‌و وه‌كى وى دگوهدار بوون.
وَشَدَدۡنَا مُلۡكَهُۥ وَءَاتَيۡنَٰهُ ٱلۡحِكۡمَةَ وَفَصۡلَ ٱلۡخِطَابِ ﴿٢٠﴾
ومه ملكێ وى ب هێزێ وهه‌يبه‌تێ وسه‌ركه‌فتنێ موكم كر، وپێغه‌مبه‌رينى وحوكمدارییا د ناڤبه‌را هه‌ڤڕكان دا مه دابوويێ.