قورئانا پیرۆز › سورەتا ص › ئایەتا ٦١
سورەتا ص · ئایەتا ٦١ ب تەفسیرا کوردی
Sad
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هَٰذَا فَوۡجٞ مُّقۡتَحِمٞ مَّعَكُمۡ لَا مَرۡحَبَۢا بِهِمۡۚ إِنَّهُمۡ صَالُواْ ٱلنَّارِ ﴿٥٩﴾
وده‌مێ سه‌رداچووى دئێنه د ئاگرى دا هنده‌ك ژ وان خه‌به‌ران دبێژنه هنده‌كان، وهنده‌ك ژ وان دبێژنه هنده‌كان: ئه‌ڤه كۆمه‌كه ژ جه‌هنه‌مییان د گه‌ل هه‌وه دێ ئێنه د ئاگرى دا، ڤێجا ئه‌و دێ به‌رسڤێ ده‌ن: ب خێر نه‌ئێن، وجهێ وان د ئاگرى دا يێ فره‌هـ نه‌بت، هندى ئه‌ون ئه‌و ژى وه‌كى مه دێ تام كه‌نه گه‌رما ئاگرى.
قَالُواْ بَلۡ أَنتُمۡ لَا مَرۡحَبَۢا بِكُمۡۖ أَنتُمۡ قَدَّمۡتُمُوهُ لَنَاۖ فَبِئۡسَ ٱلۡقَرَارُ ﴿٦٠﴾
ده‌سته‌كا دويكه‌فتییان گۆت: يێن ب خێر نه‌ئێن هوين بن؛ چونكى هه‌وه د دنيايێ دا ئه‌م سه‌ردا بربووين وهه‌وه به‌رێ مه دا ئاگرى، ڤێجا جه‌هنه‌م چ پيسه جهێ لێ ئاكنجيبوونێیه.
قَالُواْ رَبَّنَا مَن قَدَّمَ لَنَا هَٰذَا فَزِدۡهُ عَذَابٗا ضِعۡفٗا فِي ٱلنَّارِ ﴿٦١﴾
كۆما دويكه‌فتییان گۆت: خودايێ مه هه‌چییێ د دنيايێ دا ئه‌م سه‌ردا بربين تو دوجاركى عه‌زابا ئاگرى بدێ.
وَقَالُواْ مَا لَنَا لَا نَرَىٰ رِجَالٗا كُنَّا نَعُدُّهُم مِّنَ ٱلۡأَشۡرَارِ ﴿٦٢﴾
سه‌رداچوويان گۆت: ئه‌ڤه چيه بۆچى ئه‌م وان زه‌لامان د گه‌ل خۆ د ئاگرى دا نابينين يێن كو د دنيايێ دا مه ئه‌و ژ خرابان دهژمارتن؟
أَتَّخَذۡنَٰهُمۡ سِخۡرِيًّا أَمۡ زَاغَتۡ عَنۡهُمُ ٱلۡأَبۡصَٰرُ ﴿٦٣﴾
ئه‌رێ تڕانه‌پێكرنا مه ب وان يا خه‌له‌ت بوو، يان ئه‌و ژى د گه‌ل مه د ئاگرى دانه به‌لێ ئه‌م وان نابينين؟