surah038سورەتا ص · ئایەتا ٧٥ ب تەفسیرا کوردی

فَسَجَدَ ٱلۡمَلَـٰٓئِكَةُ كُلُّهُمۡ أَجۡمَعُونَ ﴿٧٣﴾

ئينا فريشته‌ هه‌مى پێكڤه‌ چوونه‌ سوجدێ.

إِلَّآ إِبۡلِيسَ ٱسۡتَكۡبَرَ وَكَانَ مِنَ ٱلۡكَٰفِرِينَ ﴿٧٤﴾

ئبليس تێ نه‌بت؛ ژ دفنبلندى وخۆمه‌زنكرن ئه‌و نه‌چوو سوجدێ، و د علمێ خودێ دا هه‌بوو كو ئه‌و ژ كافرانه‌.

قَالَ يَـٰٓإِبۡلِيسُ مَا مَنَعَكَ أَن تَسۡجُدَ لِمَا خَلَقۡتُ بِيَدَيَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِينَ ﴿٧٥﴾

خودێ گۆته‌ ئبليسى: ئه‌و چ بوو نه‌هێلاى تو بۆ وى بچيه‌ سوجدێ يێ من قه‌درێ وى گرتى و ب هه‌ردو ده‌ستێن خۆ ئافراندى؟ يان تو ژ وان بووى يێن خۆ ژ خودايێ خۆ مه‌زنتر دبينن؟ وئه‌ڤ ئايه‌ته‌ سالۆخه‌تێ هه‌بوونا دو ده‌ستان بۆ خودێ بنه‌جهـ دكه‌ت ب ڕه‌نگه‌كێ بابه‌تى وى بت.

قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ ﴿٧٦﴾

ئبليسى ژ نه‌ڕازيبوون ڤه‌ ل سه‌ر ئه‌مرێ خودایێ خۆ گۆت: ئه‌ز بۆ وى نه‌چوومه‌ سوجدێ؛ چونكى ئه‌ز ژ وى چێترم، ته‌ ئه‌زێ ژ ئاگرى ئافرانديم، وئه‌و ژ ته‌قنێ. وئاگر ژ ته‌قنێ چێتره‌.

قَالَ فَٱخۡرُجۡ مِنۡهَا فَإِنَّكَ رَجِيمٞ ﴿٧٧﴾

خودێ گۆته‌ وى: پا دێ تو ژ به‌حه‌شتێ ده‌ركه‌ڤه‌ هندى تويى ب گۆتنێ تو يێ دويركرییى، وتو يێ له‌عنه‌تییى.