surah038سورەتا ص · ئایەتا ٧٤ ب تەفسیرا کوردی

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ ﴿٧٢﴾

ڤێجا ئه‌گه‌ر من له‌شێ وى دورستكر ورح دايێ، هوين خۆ بۆ وى بچه‌مينن وهه‌ڕنه‌ سوجدێ‌، بۆ ڕێزگرتن نه‌ بۆ په‌ڕستن.

فَسَجَدَ ٱلۡمَلَـٰٓئِكَةُ كُلُّهُمۡ أَجۡمَعُونَ ﴿٧٣﴾

ئينا فريشته‌ هه‌مى پێكڤه‌ چوونه‌ سوجدێ.

إِلَّآ إِبۡلِيسَ ٱسۡتَكۡبَرَ وَكَانَ مِنَ ٱلۡكَٰفِرِينَ ﴿٧٤﴾

ئبليس تێ نه‌بت؛ ژ دفنبلندى وخۆمه‌زنكرن ئه‌و نه‌چوو سوجدێ، و د علمێ خودێ دا هه‌بوو كو ئه‌و ژ كافرانه‌.

قَالَ يَـٰٓإِبۡلِيسُ مَا مَنَعَكَ أَن تَسۡجُدَ لِمَا خَلَقۡتُ بِيَدَيَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِينَ ﴿٧٥﴾

خودێ گۆته‌ ئبليسى: ئه‌و چ بوو نه‌هێلاى تو بۆ وى بچيه‌ سوجدێ يێ من قه‌درێ وى گرتى و ب هه‌ردو ده‌ستێن خۆ ئافراندى؟ يان تو ژ وان بووى يێن خۆ ژ خودايێ خۆ مه‌زنتر دبينن؟ وئه‌ڤ ئايه‌ته‌ سالۆخه‌تێ هه‌بوونا دو ده‌ستان بۆ خودێ بنه‌جهـ دكه‌ت ب ڕه‌نگه‌كێ بابه‌تى وى بت.

قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ ﴿٧٦﴾

ئبليسى ژ نه‌ڕازيبوون ڤه‌ ل سه‌ر ئه‌مرێ خودایێ خۆ گۆت: ئه‌ز بۆ وى نه‌چوومه‌ سوجدێ؛ چونكى ئه‌ز ژ وى چێترم، ته‌ ئه‌زێ ژ ئاگرى ئافرانديم، وئه‌و ژ ته‌قنێ. وئاگر ژ ته‌قنێ چێتره‌.