قورئانا پیرۆز › سورەتا ص › ئایەتا ٨
سورەتا ص · ئایەتا ٨ ب تەفسیرا کوردی
Sad
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱنطَلَقَ ٱلۡمَلَأُ مِنۡهُمۡ أَنِ ٱمۡشُواْ وَٱصۡبِرُواْ عَلَىٰٓ ءَالِهَتِكُمۡۖ إِنَّ هَٰذَا لَشَيۡءٞ يُرَادُ ﴿٦﴾
وسه‌ر وگرگرێن ملله‌تى ده‌ست پێ كر وبه‌رێ ملله‌تێ خۆ دا مانا به‌رده‌وام ل سه‌ر شركێ وصه‌برا ل سه‌ر گه‌له‌ك خوداوه‌ندان؛ چونكى هندى ئه‌وه يا ئه‌ڤ پێغه‌مبه‌ره پێ هاتى تشته‌كێ دورستكرییه ومه‌خسه‌د پێ وه‌رگرتنا مه‌زنیێیه.
مَا سَمِعۡنَا بِهَٰذَا فِي ٱلۡمِلَّةِ ٱلۡأٓخِرَةِ إِنۡ هَٰذَآ إِلَّا ٱخۡتِلَٰقٌ ﴿٧﴾
ئه‌ڤا ئه‌و دبێژت نه مه ژ دينێ بابێن خۆ يێن قوره‌يشى گوهـ لێ بوويه، ونه مه ژ دينێ فه‌لان گوهـ لێ بوويه، هه‌ما ئه‌ڤه دره‌و وبێ به‌ختییه‌كه.
أَءُنزِلَ عَلَيۡهِ ٱلذِّكۡرُ مِنۢ بَيۡنِنَاۚ بَلۡ هُمۡ فِي شَكّٖ مِّن ذِكۡرِيۚ بَل لَّمَّا يَذُوقُواْ عَذَابِ ﴿٨﴾
ئه‌رێ د ناڤبه‌را مه هه‌مییان دا قورئان بۆ موحه‌ممه‌دى ب تنێ هاتییه؟ به‌لكى ئه‌و د وه‌حییا من دا بۆ ته -ئه‌ى پێغه‌مبه‌ر- وهنارتنا من بۆ ته ب گومانن، به‌لكى وان ئه‌و گۆتن گۆت؛ چونكى وان تام نه‌كرییه عه‌زابا خودێ، وئه‌گه‌ر وان تام كربا وێ عه‌زابێ وان بسته‌يى نه‌دكر ئه‌و ڤێ گۆتنێ بێژن.
أَمۡ عِندَهُمۡ خَزَآئِنُ رَحۡمَةِ رَبِّكَ ٱلۡعَزِيزِ ٱلۡوَهَّابِ ﴿٩﴾
يان خزينه‌يێن قه‌نجییا خودايێ ته يێ زال د ده‌سهه‌لاتا خۆ دا، ويێ ڕزقى پڕ دده‌ته وى يێ وى بڤێت، د ده‌ستێن وان دانه؟
أَمۡ لَهُم مُّلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۖ فَلۡيَرۡتَقُواْ فِي ٱلۡأَسۡبَٰبِ ﴿١٠﴾
يان ژى ملكێ عه‌سمانان وعه‌درى وتشتێ د ناڤبه‌را وان دا، يێ ڤان بوتپه‌رێسانه، ڤێجا يێ وان بڤێت ئه‌و دێ ده‌نێ ويێ نه‌ڤێت نه؟ پا دێ بلا ئه‌و ل وان ڕێكان بچن يێن وان دگه‌هيننه عه‌سمانى دا ئه‌و وێ بكه‌ن یا وان دڤێت، ژ دان و نه‌دانێ.