قورئانا پیرۆز › سورەتا طه › ئایەتا ١١٥
سورەتا طه · ئایەتا ١١٥ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَكَذَٰلِكَ أَنزَلۡنَٰهُ قُرۡءَانًا عَرَبِيّٗا وَصَرَّفۡنَا فِيهِ مِنَ ٱلۡوَعِيدِ لَعَلَّهُمۡ يَتَّقُونَ أَوۡ يُحۡدِثُ لَهُمۡ ذِكۡرٗا ﴿١١٣﴾
ووه‌كى مه دلێ خودان باوه‌ران برییه كريارێن چاك، ومه كافر ژ مانا ل سه‌ر گونه‌هێ وكوفرا ب ئايه‌تێن خۆ داينه پاش، وه‌سا مه ئه‌ڤ قورئانه ب زمانێ عه‌ره‌بى ئينا خوارێ؛ دا ئه‌و تێ بگه‌هن، ومه گه‌له‌ك ڕه‌نگێن گه‌ف وترساندنێ تێدا دياركرن؛ دا ئه‌و ته‌قوایا خودايێ خۆ بكه‌ن، يان دا ئه‌ڤ قورئانه بيرئينانه‌كێ بۆ وان چێ بكه‌ت.
فَتَعَٰلَى ٱللَّهُ ٱلۡمَلِكُ ٱلۡحَقُّۗ وَلَا تَعۡجَلۡ بِٱلۡقُرۡءَانِ مِن قَبۡلِ أَن يُقۡضَىٰٓ إِلَيۡكَ وَحۡيُهُۥۖ وَقُل رَّبِّ زِدۡنِي عِلۡمٗا ﴿١١٤﴾
ڤێجا يێ پاك وبلند بت خودێ ژ هه‌ر كێماسییه‌كێ، ئه‌و مه‌لكێ ده‌سهه‌لاتا وى ل سه‌ر هه‌ر مه‌لكه‌كى زال، يێ هه‌مى تشتان ب ڕێڤه دبه‌ت، ئه‌و ب خۆ يێ حه‌قه، وسۆز وگه‌فا وى يا حه‌قه، وهه‌ر تشته‌كێ ژ وى بێت يێ حه‌قه. وتو ل ده‌مێ وه‌رگرتنا قورئانێ به‌رى جبريلی ڕا نه‌كه حه‌تا ئه‌و ژێ خلاس بت، وتو بێژه: خودايێ من تو زانينێ ل سه‌ر زانينا من زێده‌كه.
وَلَقَدۡ عَهِدۡنَآ إِلَىٰٓ ءَادَمَ مِن قَبۡلُ فَنَسِيَ وَلَمۡ نَجِدۡ لَهُۥ عَزۡمٗا ﴿١١٥﴾
و ب ڕاستى به‌رى ئاده‌م ژ دارێ بخۆت مه شيره‌ت لێ كربوو كو ئه‌و ژێ نه‌خۆت، ومه گۆتبوو وى: هندى ئبليسه دوژمنێ ته ويێ ژنكا ته‌يه، ڤێجا ئه‌و هه‌وه ژ به‌حه‌شتێ ده‌رنه‌ئێخت، ئه‌گه‌ر هوين د دنيايێ دا دێ د نه‌خۆشییێ دا بن، ئينا شه‌يتانى وه‌سواس بۆ چێكر ووى گوهدارییا وى كر، وئاده‌مى شيره‌تا مه ژبيركر، ومه نه‌ديت وى ئه‌و تشت پاراستى يێ فه‌رمان پێ ل وى هاتییه‌كرن.
وَإِذۡ قُلۡنَا لِلۡمَلَـٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ أَبَىٰ ﴿١١٦﴾
وتو به‌حس بكه ده‌مێ مه گۆتییه فريشته‌يان: هوين وه‌ك قه‌درگرتن بۆ ئاده‌مى هه‌ڕنه سوجدێ، ڤێجا وان گوهدارییا وى كر، وچوونه سوجدێ، به‌لێ ئبليس ل به‌ر نه‌هات بچته سوجدێ.
فَقُلۡنَا يَـٰٓـَٔادَمُ إِنَّ هَٰذَا عَدُوّٞ لَّكَ وَلِزَوۡجِكَ فَلَا يُخۡرِجَنَّكُمَا مِنَ ٱلۡجَنَّةِ فَتَشۡقَىٰٓ ﴿١١٧﴾
ئينا مه گۆت: ئه‌ى ئاده‌م هندى ئه‌ڤه‌یه ئه‌و بۆ ته وبۆ ژنا ته دوژمنه، ڤێجا هوين ژێ دهشيار بن، وگوهدارییا وى د بێ ئه‌مرییا من دا نه‌كه‌ن، ئه‌گه‌ر ئه‌و دێ هه‌وه ژ به‌حه‌شتێ ده‌رێخت، ڤێجا تو ئه‌گه‌ر ژێ ده‌ركه‌فتى دێ د نه‌خۆشییێ دا ژى.