قورئانا پیرۆز › سورەتا يس › ئایەتا ١٣
سورەتا يس · ئایەتا ١٣ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّمَا تُنذِرُ مَنِ ٱتَّبَعَ ٱلذِّكۡرَ وَخَشِيَ ٱلرَّحۡمَٰنَ بِٱلۡغَيۡبِۖ فَبَشِّرۡهُ بِمَغۡفِرَةٖ وَأَجۡرٖ كَرِيمٍ ﴿١١﴾
هه‌ما ترساندنا ته مفایى دگه‌هينته وى يێ باوه‌رییێ ب قورئانێ بينت، ودويكه‌فتنا وان ئه‌حكامێن خودێ بكه‌ت يێن تێدا هاتين، و ژ خودايێ پڕدلۆڤان بترست، ل وى ده‌مێ ژ خودێ پێڤه‌تر كه‌س وى نه‌بينت، ڤێجا تو مزگينییێ ب گونه‌هـ ژێبرنێ بده‌يێ، وخێره‌كا مه‌زن يا كو خودێ ل ئاخره‌تێ دێ ده‌تێ، كو به‌حه‌شته، سه‌را كريارێن وى يێن چاك.
إِنَّا نَحۡنُ نُحۡيِ ٱلۡمَوۡتَىٰ وَنَكۡتُبُ مَا قَدَّمُواْ وَءَاثَٰرَهُمۡۚ وَكُلَّ شَيۡءٍ أَحۡصَيۡنَٰهُ فِيٓ إِمَامٖ مُّبِينٖ ﴿١٢﴾
هندى ئه‌مين ئه‌م هه‌مى مرییان ل ڕۆژا قيامه‌تێ زێندى دكه‌ينه‌ڤه، وئه‌م وى كارى دنڤيسين يێ ئه‌و دكه‌ن چ باشى بت چ خرابى، وئه‌م شوينوارێن وان ژى دنڤيسين يێن ئه‌و د ژينا خۆ دا وپشتى مرنا خۆ ژى بووينه ئه‌گه‌را په‌يدابوونا وان، وه‌كى عه‌يالێ چاك، وزانينا ب مفا، وخێرا به‌رده‌وام، وخرابییێن وان ژى يێن وه‌كى شركێ وگونه‌هان ئه‌م دنڤيسين، وهه‌ر تشته‌ك مه د كيتابه‌كا ئاشكه‌را دا هژمارتییه، كو ماكا كيتابانه وله‌وحێ پاراستییه، وزڤڕينا وان بۆ نك وییه. ڤێجا بلا خودان عه‌قل حسێبێ د گه‌ل خۆ بكه‌ت؛ دا د ژينا خۆ دا وپشتى مرنا خۆ ژى بۆ كرنا خێرێ ببته جهێ چاڤلێكرنێ.
وَٱضۡرِبۡ لَهُم مَّثَلًا أَصۡحَٰبَ ٱلۡقَرۡيَةِ إِذۡ جَآءَهَا ٱلۡمُرۡسَلُونَ ﴿١٣﴾
وتو -ئه‌ى پێغه‌مبه‌ر- مه‌ته‌له‌كێ بۆ بوتپه‌رێسێن ملله‌تێ خۆ بينه؛ دا ئه‌و مفایى بۆ خۆ ژێ وه‌ربگرن، وئه‌و سه‌رهاتییا خودانێن گوندییه، ده‌مێ پێغه‌مبه‌ر بۆ وان هاتين.
إِذۡ أَرۡسَلۡنَآ إِلَيۡهِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٖ فَقَالُوٓاْ إِنَّآ إِلَيۡكُم مُّرۡسَلُونَ ﴿١٤﴾
ده‌مێ مه دو پێغه‌مبه‌ر بۆ وان هنارتين دا به‌رێ وان بده‌نه باوه‌رییا ب خودێ وپه‌رستنا وى ب تنێ، ئينا خه‌لكێ وى گوندى ئه‌و هه‌ردو دره‌وين ده‌رێخستن، ڤێجا مه ئه‌و هه‌ردو ب پێغه‌مبه‌ره‌كێ دى ب هێز ئێخستن، ووان هه‌ر سێیان گۆته خه‌لكێ گوندى: هندى ئه‌مين ئه‌م بۆ هه‌وه دهنارتينه.
قَالُواْ مَآ أَنتُمۡ إِلَّا بَشَرٞ مِّثۡلُنَا وَمَآ أَنزَلَ ٱلرَّحۡمَٰنُ مِن شَيۡءٍ إِنۡ أَنتُمۡ إِلَّا تَكۡذِبُونَ ﴿١٥﴾
گوندییان ب پشتڕاستى ڤه گۆته پێغه‌مبه‌ران: هه‌ما هوين ژى وه‌كى مه مرۆڤن، وخودايێ پڕدلۆڤان چو وه‌حى نه‌هنارتییه، وهه‌ما هوين -گه‌لی پێغه‌مبه‌ران- ددره‌وينن.