قورئانا پیرۆز › سورەتا يس › ئایەتا ٢٣
سورەتا يس · ئایەتا ٢٣ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱتَّبِعُواْ مَن لَّا يَسۡـَٔلُكُمۡ أَجۡرٗا وَهُم مُّهۡتَدُونَ ﴿٢١﴾
دويكه‌فتنا وان بكه‌ن يێن سه‌را گه‌هاندنا په‌يامێ پسيارا چو مالی ژ هه‌وه نه‌كه‌ن، وئه‌و د وێ گازییێ دا يا به‌رێ هه‌وه دده‌نێ دسه‌رڕاستن. وئه‌ڤ ئايه‌ته خێرا وى كه‌سى ئاشكه‌را دكه‌ت يێ به‌رگه‌ڕيانێ د فه‌رمانا ب باشییێ وپاشڤه‌برنا ژ خرابییێ دا دكه‌ت.
وَمَالِيَ لَآ أَعۡبُدُ ٱلَّذِي فَطَرَنِي وَإِلَيۡهِ تُرۡجَعُونَ ﴿٢٢﴾
وما چ تشت هه‌يه نه‌هێلت ئه‌ز په‌رستنا وى خودايى بكه‌م يێ ئه‌ز ئافرانديم، وهوين هه‌مى دێ زڤڕنه نك وى؟
ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرّٖ لَّا تُغۡنِ عَنِّي شَفَٰعَتُهُمۡ شَيۡـٔٗا وَلَا يُنقِذُونِ ﴿٢٣﴾
ئه‌رێ ئه‌ز ژبلی خودێ په‌رستنا هنده‌ك خوداوه‌ندێن دى بكه‌م يێن تشته‌ك د ده‌ستى دا نه، ئه‌گه‌ر خودايێ پڕدلۆڤان نه‌خۆشییه‌ك بۆ من ڤيا بت ئه‌ڤ خوداوه‌نده نه‌شێن وێ نه‌خۆشییێ ژ من دوير بكه‌ن، وئه‌و نه‌شێن من ژ ڤى حالی ڕزگار بكه‌ن يێ ئه‌ز تێدا؟
إِنِّيٓ إِذٗا لَّفِي ضَلَٰلٖ مُّبِينٍ ﴿٢٤﴾
هندى ئه‌زم ئه‌گه‌ر من ئه‌و كر هنگى ئه‌ز يێ د خه‌له‌تییه‌كا ئاشكه‌را دا.
إِنِّيٓ ءَامَنتُ بِرَبِّكُمۡ فَٱسۡمَعُونِ ﴿٢٥﴾
هندى ئه‌زم من باوه‌رى ب خودايێ هه‌وه ئينايه ڤێجا هوين گوهدارییا وێ بكه‌ن يا من گۆتییه هه‌وه، وباوه‌رییێ بينن. ڤێجا ده‌مێ وى ئه‌و ئاخفتن گۆتى ملله‌تێ وى پێ وه‌ر هاتن وئه‌و كوشت، ئينا خودێ ئه‌و بره به‌حه‌شتێ.