قورئانا پیرۆز › سورەتا يس › ئایەتا ٢٥
سورەتا يس · ئایەتا ٢٥ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرّٖ لَّا تُغۡنِ عَنِّي شَفَٰعَتُهُمۡ شَيۡـٔٗا وَلَا يُنقِذُونِ ﴿٢٣﴾
ئه‌رێ ئه‌ز ژبلی خودێ په‌رستنا هنده‌ك خوداوه‌ندێن دى بكه‌م يێن تشته‌ك د ده‌ستى دا نه، ئه‌گه‌ر خودايێ پڕدلۆڤان نه‌خۆشییه‌ك بۆ من ڤيا بت ئه‌ڤ خوداوه‌نده نه‌شێن وێ نه‌خۆشییێ ژ من دوير بكه‌ن، وئه‌و نه‌شێن من ژ ڤى حالی ڕزگار بكه‌ن يێ ئه‌ز تێدا؟
إِنِّيٓ إِذٗا لَّفِي ضَلَٰلٖ مُّبِينٍ ﴿٢٤﴾
هندى ئه‌زم ئه‌گه‌ر من ئه‌و كر هنگى ئه‌ز يێ د خه‌له‌تییه‌كا ئاشكه‌را دا.
إِنِّيٓ ءَامَنتُ بِرَبِّكُمۡ فَٱسۡمَعُونِ ﴿٢٥﴾
هندى ئه‌زم من باوه‌رى ب خودايێ هه‌وه ئينايه ڤێجا هوين گوهدارییا وێ بكه‌ن يا من گۆتییه هه‌وه، وباوه‌رییێ بينن. ڤێجا ده‌مێ وى ئه‌و ئاخفتن گۆتى ملله‌تێ وى پێ وه‌ر هاتن وئه‌و كوشت، ئينا خودێ ئه‌و بره به‌حه‌شتێ.
قِيلَ ٱدۡخُلِ ٱلۡجَنَّةَۖ قَالَ يَٰلَيۡتَ قَوۡمِي يَعۡلَمُونَ ﴿٢٦﴾
پشتى ئه‌و هاتییه كوشتن بۆ قه‌درگرتن بۆ وى هاته گۆتن: هه‌ڕه د به‌حه‌شتێ دا، وى د خۆشییا به‌حه‌شتێ دا گۆت: خوزى ملله‌تێ من زانيبا..
بِمَا غَفَرَ لِي رَبِّي وَجَعَلَنِي مِنَ ٱلۡمُكۡرَمِينَ ﴿٢٧﴾
كانێ خودايێ من چه‌ند قه‌درێ من گرتییه؛ ژ به‌ر باوه‌رى ئينانا من وصه‌بركێشانا من ل سه‌ر گوهدارییا وى، ودويكه‌فتنا پێغه‌مبه‌رێن وى حه‌تا ئه‌ز هاتيمه كوشتن، ڤێجا ئه‌وان ژى باوه‌رى ب خودێ ئينابا دا ئه‌و ژى وه‌كى من هاتبانه به‌حه‌شتێ.