قورئانا پیرۆز › سورەتا يس › ئایەتا ٣٥
سورەتا يس · ئایەتا ٣٥ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَءَايَةٞ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبّٗا فَمِنۡهُ يَأۡكُلُونَ ﴿٣٣﴾
وئه‌ڤ عه‌رده بۆ بوتپه‌رێسان نيشانه‌كه كو خودێ دشێت مرییان ڕاكه‌ته‌ڤه: ئه‌ڤ عه‌ردێ مرى يێ چو شينكاتى لێ نه، ب ئينانه خوارا بارانێ مه زێندى كر، وگه‌له‌ك ڕه‌نگێن شينكاتى يێن كو مرۆڤ وحه‌يوان دخۆن مه ژێ ئينانه‌ده‌ر، وئه‌وێ عه‌ردى ب شينكاتیی زێندى بكه‌ت دێ خه‌لكى ژى پشتى مرنێ زێندى كه‌ته‌ڤه.
وَجَعَلۡنَا فِيهَا جَنَّـٰتٖ مِّن نَّخِيلٖ وَأَعۡنَٰبٖ وَفَجَّرۡنَا فِيهَا مِنَ ٱلۡعُيُونِ ﴿٣٤﴾
ومه هنده‌ك باغێن دارقه‌سپ ومێوێن ترى ل سه‌ر ڤى عه‌ردى چێكرن، وئه‌و كانییێن ئه‌و باغ پێ دئێنه ئاڤدان مه په‌قاندن و ل سه‌ر عه‌ردى برن.
لِيَأۡكُلُواْ مِن ثَمَرِهِۦ وَمَا عَمِلَتۡهُ أَيۡدِيهِمۡۚ أَفَلَا يَشۡكُرُونَ ﴿٣٥﴾
ئه‌و هه‌مى؛ دا خه‌لك ژ به‌رهه‌مێ وى بخۆن، وئه‌و نه ب ده‌ست وزه‌ندكێن وانه به‌لكى ژ دلۆڤانییا خودێیه ب وان، ئه‌رێ ڤێجا ما ئه‌و شوكرا خودێ سه‌را ڤان قه‌نجییێن نه‌ئێنه هژمارتن ناكه‌ن؟
سُبۡحَٰنَ ٱلَّذِي خَلَقَ ٱلۡأَزۡوَٰجَ كُلَّهَا مِمَّا تُنۢبِتُ ٱلۡأَرۡضُ وَمِنۡ أَنفُسِهِمۡ وَمِمَّا لَا يَعۡلَمُونَ ﴿٣٦﴾
يێ پاك بت ئه‌و خودايێ مه‌زن يێ هه‌مى ڕه‌نگ ژ شينكاتییێ عه‌ردى ئافراندين، و ژ وان ب خۆ ژى نێر ومێ داين، و ژ وان چێكرییێن خودێ يێن دى ژى يێن ئه‌و پێ نه‌زانن. خودێ ب تنێ ئافراندن كرییه، ڤێجا نه يا د جهێ خۆ دايه شرك ب وى بێته‌كرن.
وَءَايَةٞ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ ﴿٣٧﴾
وئه‌ڤ شه‌ڤا ئه‌م ڕۆژێ ژێ ڤه‌دكه‌ين، ڤێجا خه‌لك دميننه د تارییێ دا، نيشانه‌كه بۆ وان ل سه‌ر ته‌وحيد وشيانا خودێ.