قورئانا پیرۆز › سورەتا يس › ئایەتا ٣٩
سورەتا يس · ئایەتا ٣٩ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَءَايَةٞ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ ﴿٣٧﴾
وئه‌ڤ شه‌ڤا ئه‌م ڕۆژێ ژێ ڤه‌دكه‌ين، ڤێجا خه‌لك دميننه د تارییێ دا، نيشانه‌كه بۆ وان ل سه‌ر ته‌وحيد وشيانا خودێ.
وَٱلشَّمۡسُ تَجۡرِي لِمُسۡتَقَرّٖ لَّهَاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ ﴿٣٨﴾
وڕۆژ ژى نيشانه‌كه بۆ وان ئه‌و بۆ جهه‌كێ لێ ئاكنجيبوونا خۆ دچت، يێ خودێ بۆ داناى ئه‌و دێ گه‌هتێ وژێ نابۆرت، ئه‌و قه‌ده‌ر وپێكئينانا خودايێ زاله، پڕزانايێ كو تشته‌ك ل به‌ر علمێ وى نه‌ئێته ڤه‌شارتن.
وَٱلۡقَمَرَ قَدَّرۡنَٰهُ مَنَازِلَ حَتَّىٰ عَادَ كَٱلۡعُرۡجُونِ ٱلۡقَدِيمِ ﴿٣٩﴾
وهه‌يڤ د ئافراندنا خۆ دا نيشانه‌كه بۆ وان، هه‌ر شه‌ڤه‌كێ مه جهه‌كێ بۆ داناى، ل ده‌سپێكێ يا زراڤه وهه‌ر مه‌زن دبت حه‌تا گڕۆڤڕ دبت، پاشى جاره‌كا دى زراڤ دبت حه‌تا وه‌كى وى چه‌قێ دارقه‌سپێ لێ دئێت ئه‌وێ ژ به‌ر كه‌ڤناتییا وى هشك بووى ووه‌كى كڤانه‌كى لێ هاتى.
لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلّٞ فِي فَلَكٖ يَسۡبَحُونَ ﴿٤٠﴾
بۆ ڕۆژ وهه‌يڤێ وشه‌ڤ وڕۆژێ ده‌مه‌ك هه‌يه خودێ دانايه ئه‌و ژێ ده‌رباس نابن، ڤێجا نه ڕۆژ ب هه‌يڤێ ڕا دگه‌هت دا ڕۆناهییا وێ پويچ كه‌ت، يان ڕێكا وێ بگوهۆڕت، ونه شه‌ڤ به‌رى ڕۆژێ ڕادكه‌ت ودگه‌هتێ، هێشتا ده‌مێ وێ خلاس نه‌بووى، وهه‌ر ئێك ژ ڕۆژ وهه‌يڤ وستێران فه‌له‌كه‌ك بۆ هه‌يه ئه‌و تێدا دچن.
وَءَايَةٞ لَّهُمۡ أَنَّا حَمَلۡنَا ذُرِّيَّتَهُمۡ فِي ٱلۡفُلۡكِ ٱلۡمَشۡحُونِ ﴿٤١﴾
ونيشانه‌كا دى بۆ وان هه‌يه هندێ دگه‌هينت كو خودێ ب تنێ هێژاى په‌رستنێیه، وئه‌وه يێ قه‌نجى د گه‌ل وان كرين، ئه‌و ژى ئه‌ڤه‌يه: ئه‌وێن ڕزگار بووين ژ عه‌يالێ ئاده‌مى مه د گه‌مییا نووحى دا يا تژى مه‌خلووقات هلگرتن؛ دا پشتى تووفانێ ژين بمينت.