قورئانا پیرۆز › سورەتا يس › ئایەتا ٧١
سورەتا يس · ئایەتا ٧١ ب تەفسیرا کوردی
Ya-Sin
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَا عَلَّمۡنَٰهُ ٱلشِّعۡرَ وَمَا يَنۢبَغِي لَهُۥٓۚ إِنۡ هُوَ إِلَّا ذِكۡرٞ وَقُرۡءَانٞ مُّبِينٞ ﴿٦٩﴾
ومه چو شعر نيشا موحه‌ممه‌دى نه‌داينه، ونه هێژاى وییه ئه‌و شاعر بت، هه‌ما ئه‌ڤا ئه‌و بۆ هه‌وه پێ هاتى بيرئينانه‌كه خودان عه‌قل بيرا خۆ پێ دئيننه‌ڤه، وقورئانه‌كا حوكم وشيره‌ت ئاشكه‌رايه.
لِّيُنذِرَ مَن كَانَ حَيّٗا وَيَحِقَّ ٱلۡقَوۡلُ عَلَى ٱلۡكَٰفِرِينَ ﴿٧٠﴾
دا ئه‌و پێ بێته ترساندن يێ دلساخ وهشيار، ودا عه‌زاب ل سه‌ر كافران حه‌ق ببت؛ چونكى ب هاتنا قورئانێ وان چو هێجه‌ت نه‌مان.
أَوَلَمۡ يَرَوۡاْ أَنَّا خَلَقۡنَا لَهُم مِّمَّا عَمِلَتۡ أَيۡدِينَآ أَنۡعَٰمٗا فَهُمۡ لَهَا مَٰلِكُونَ ﴿٧١﴾
ئه‌رێ وما خه‌لكى نه‌ديتییه كو ژ به‌ر وان هنده‌ك حه‌يوان مه ئافراندن وبنده‌ستى وان كرن، ڤێجا ئه‌و بۆ وان دبنه خودان.
وَذَلَّلۡنَٰهَا لَهُمۡ فَمِنۡهَا رَكُوبُهُمۡ وَمِنۡهَا يَأۡكُلُونَ ﴿٧٢﴾
ومه ئه‌و بۆ وان بنده‌ستكرن، ڤێجا ل ده‌مێ وه‌غه‌ركرنێ ئه‌و ل هنده‌ك ژ وان حه‌يوانان سويار دبن، وبارێ خۆ لێ دكه‌ن، و ژ هنده‌كان ژى دخۆن.
وَلَهُمۡ فِيهَا مَنَٰفِعُ وَمَشَارِبُۚ أَفَلَا يَشۡكُرُونَ ﴿٧٣﴾
وهنده‌ك مفايێن دى ژى بۆ وان تێدا هه‌نه، وه‌كى مفاوه‌رگرتنا ژ هرى وموییێ وان بۆ جلكى وناڤمالییێ، وئه‌و ژ شيرێ وان ڤه‌دخۆن، ئه‌رێ ڤێجا ما ئه‌و شوكرا وى خودايى ناكه‌ن يێ ئه‌ڤ قه‌نجییه د گه‌ل وان كرين، وپه‌رستنا وى ناكه‌ن؟