قورئانا پیرۆز › سورەتا يونس › ئایەتا ٨٢
سورەتا يونس · ئایەتا ٨٢ ب تەفسیرا کوردی
Yunus
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَلَمَّا جَآءَ ٱلسَّحَرَةُ قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ ﴿٨٠﴾
ڤێجا ده‌مێ سێره‌به‌ند هاتينه نك فيرعه‌ونى مووساى گۆته وان: هوين وان گۆپال ووه‌ريسێن د گه‌ل هه‌وه هه‌ين بهاڤێژنه عه‌ردى.
فَلَمَّآ أَلۡقَوۡاْ قَالَ مُوسَىٰ مَا جِئۡتُم بِهِ ٱلسِّحۡرُۖ إِنَّ ٱللَّهَ سَيُبۡطِلُهُۥٓ إِنَّ ٱللَّهَ لَا يُصۡلِحُ عَمَلَ ٱلۡمُفۡسِدِينَ ﴿٨١﴾
ده‌مێ وان وه‌ريس وگۆپالێن خۆ هاڤێتين، مووساى گۆته وان: ئه‌وا هوين پێ هاتين وهه‌وه هاڤێتى سێره‌به‌ندییه، هندى خودێیه دێ وێ پويچ كه‌ت، هندى خودێیه كارێ وى چاك ناكه‌ت يێ ب خرابى د عه‌ردێ خودێ دا بگه‌ڕيێت، و ب كرنا گونه‌هێ خرابكارییێ تێدا بكه‌ت.
وَيُحِقُّ ٱللَّهُ ٱلۡحَقَّ بِكَلِمَٰتِهِۦ وَلَوۡ كَرِهَ ٱلۡمُجۡرِمُونَ ﴿٨٢﴾
وخودێ وێ حه‌قییێ يا ئه‌ز بۆ هه‌وه ژ نك وى پێ هاتيم موكم دكه‌ت، وئه‌و ب په‌يڤ وفه‌رمانا خۆ وێ حه‌قییێ ب سه‌ر نه‌حه‌قییا هه‌وه دئێخت، ئه‌گه‌ر خۆ تاوانبارێن گونه‌هكار ژ ملله‌تێ فيرعه‌ونى پێ نه‌خۆش بت ژى.
فَمَآ ءَامَنَ لِمُوسَىٰٓ إِلَّا ذُرِّيَّةٞ مِّن قَوۡمِهِۦ عَلَىٰ خَوۡفٖ مِّن فِرۡعَوۡنَ وَمَلَإِيْهِمۡ أَن يَفۡتِنَهُمۡۚ وَإِنَّ فِرۡعَوۡنَ لَعَالٖ فِي ٱلۡأَرۡضِ وَإِنَّهُۥ لَمِنَ ٱلۡمُسۡرِفِينَ ﴿٨٣﴾
ڤێجا د گه‌ل وان هێجه‌ت وده‌ليلان ژى يێن خودێ داينه مووسايى سلاڤ لێ بن ژ دوونده‌ها ملله‌تێ وى يێ ئسرائيلی پێڤه‌تر كه‌سێ باوه‌رى پێ نه‌ئينا، وئه‌و ژ فيرعه‌ونى ومه‌زنێن ملله‌تێ وى دترسیان كو ب عه‌زابدانێ ئه‌و وان دسه‌ر دا ببه‌ن، وبه‌رێ وان ژ دينێ وان وه‌رگێڕن، وهندى فيرعه‌ونه خۆ مه‌زن دكه‌ت وئه‌و د عه‌ردى دا يێ كوته‌ككاره، وهندى ئه‌وه ئه‌و ژ وانه يێن د كوفر وخرابكارییێ دا پێ ل توخويبان ددانن.
وَقَالَ مُوسَىٰ يَٰقَوۡمِ إِن كُنتُمۡ ءَامَنتُم بِٱللَّهِ فَعَلَيۡهِ تَوَكَّلُوٓاْ إِن كُنتُم مُّسۡلِمِينَ ﴿٨٤﴾
ومووساى گۆت: ئه‌ى ملله‌تێ من ئه‌گه‌ر هه‌وه باوه‌رى ب خودێ هه‌يه هوين خۆ ب وى پشتگه‌رم بكه‌ن، وهوین خۆ بهێلنه ب هيڤییا وى ڤه، ئه‌گه‌ر هوين د ئه‌مرێ وى دانه وگوهدارییا وى دكه‌ن.