قورئانا پیرۆز › سورەتا يوسف › ئایەتا ٨٣
سورەتا يوسف · ئایەتا ٨٣ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱرۡجِعُوٓاْ إِلَىٰٓ أَبِيكُمۡ فَقُولُواْ يَـٰٓأَبَانَآ إِنَّ ٱبۡنَكَ سَرَقَ وَمَا شَهِدۡنَآ إِلَّا بِمَا عَلِمۡنَا وَمَا كُنَّا لِلۡغَيۡبِ حَٰفِظِينَ ﴿٨١﴾
هوين بزڤڕنه نك بابێ خۆ، وێ بۆ وى بێژن يا چێبووى، وبێژنه وى: هندى كوڕێ ته (بنيامينه) دزییه‌كا كرى، ومه شاهده‌يى ب وێ چه‌ندێ نه‌دايه حه‌تا ئه‌م پشتڕاست نه‌بووين ومه ترارێ پيڤانێ د ناڤ بارێ وى دا نه‌ديتى، وعلمێ غه‌يبێ ل نك مه نه‌بوو كو ئه‌و دێ دزییێ كه‌ت ده‌مێ مه په‌يمان دايه ته كو وى بزڤڕينين.
وَسۡـَٔلِ ٱلۡقَرۡيَةَ ٱلَّتِي كُنَّا فِيهَا وَٱلۡعِيرَ ٱلَّتِيٓ أَقۡبَلۡنَا فِيهَاۖ وَإِنَّا لَصَٰدِقُونَ ﴿٨٢﴾
وده‌مێ ئه‌و زڤڕێنه‌ڤه وئه‌و بۆ بابێ خۆ گۆتى یا چێبووى، وان داخواز ژ بابێ خۆ كر كو ئه‌و خۆ ژ گۆتنا وان پشتڕاست كه‌ت، وگۆتنێ: تو -ئه‌ى بابێ مه- پسيارا خه‌لكێ (مصرێ) بكه، ويا وان مرۆڤێن د گه‌ل مه ل كاروانى، وهندى ئه‌مين ئه‌م دڕاستگۆينه د ڤى تشتى دا يێ ئه‌م بۆ ته دبێژين.
قَالَ بَلۡ سَوَّلَتۡ لَكُمۡ أَنفُسُكُمۡ أَمۡرٗاۖ فَصَبۡرٞ جَمِيلٌۖ عَسَى ٱللَّهُ أَن يَأۡتِيَنِي بِهِمۡ جَمِيعًاۚ إِنَّهُۥ هُوَ ٱلۡعَلِيمُ ٱلۡحَكِيمُ ﴿٨٣﴾
وى گۆته وان: نه وه‌سايه، به‌لكى نه‌فسێن هه‌وه يێن خراب پيلانه‌ك ل به‌ر هه‌وه يا شرينكرى، وهه‌وه ئه‌و يا كرى وه‌كى هه‌وه به‌رێ د گه‌ل يووسفى كرى، ڤێجا صه‌بركێشانا من دێ يا جوان بت ئه‌ز گازندێ د گه‌ل ناكه‌م، به‌لكى خودێ هه‌ر سێ كوڕێن من -يووسفى وبرايێ وى وبرايێ وان يێ مه‌زن ئه‌وێ ژ به‌ر برايێ خۆ مايى- بۆ من بزڤڕينته ڤه، هندى ئه‌وه ئه‌و ب حالێ من يێ پڕزانايه، و د كارێ خۆ دا يێ كاربنه‌جهه.
وَتَوَلَّىٰ عَنۡهُمۡ وَقَالَ يَـٰٓأَسَفَىٰ عَلَىٰ يُوسُفَ وَٱبۡيَضَّتۡ عَيۡنَاهُ مِنَ ٱلۡحُزۡنِ فَهُوَ كَظِيمٞ ﴿٨٤﴾
ويه‌عقووبى پشتا خۆ دا وان، پشتى ژ گۆتنا وان بێنته‌نگ بووى، وگۆت: وه‌ى بۆ كۆڤانا من ل سه‌ر يووسفى و ژ خه‌مان دا چاڤێن وى سپى بوون، ودلێ وى تژى كۆڤان بوو، به‌لێ وى خه‌ما خۆ ڤه‌دشارت وئاشكه‌را نه‌دكر.
قَالُواْ تَٱللَّهِ تَفۡتَؤُاْ تَذۡكُرُ يُوسُفَ حَتَّىٰ تَكُونَ حَرَضًا أَوۡ تَكُونَ مِنَ ٱلۡهَٰلِكِينَ ﴿٨٥﴾
كوڕێن وى گۆت: ب خودێ هه‌ر تو دێ مينى بيرییا يووسفى كه‌ى، وكۆڤاندارێ وى بى حه‌تا تو نێزيكى مرنێ دبى يان دمرى، ڤێجا پيچه‌كێ خه‌ما خۆ سڤك بكه.