قورئانا پیرۆز › سورەتا يوسف › ئایەتا ٩٥
سورەتا يوسف · ئایەتا ٩٥ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱذۡهَبُواْ بِقَمِيصِي هَٰذَا فَأَلۡقُوهُ عَلَىٰ وَجۡهِ أَبِي يَأۡتِ بَصِيرٗا وَأۡتُونِي بِأَهۡلِكُمۡ أَجۡمَعِينَ ﴿٩٣﴾
وده‌مێ وى پسيارا بابێ خۆ ژ وان كرى، ووان گۆتییێ كو ئه‌و ژ به‌ر گرییێ يێ كۆره بووى، وى گۆته وان: هوين بزڤڕنه نك بابێ خۆ وڤى كراسێ من د گه‌ل خۆ ببه‌ن وبهاڤێژنه سه‌ر دێمێ بابێ من، چاڤێن وى دێ چێبن، پاشى هوين هه‌مى مرۆڤێن خۆ بيننه نك من.
وَلَمَّا فَصَلَتِ ٱلۡعِيرُ قَالَ أَبُوهُمۡ إِنِّي لَأَجِدُ رِيحَ يُوسُفَۖ لَوۡلَآ أَن تُفَنِّدُونِ ﴿٩٤﴾
وده‌مێ كاروان ژ عه‌ردێ (مصرێ) ده‌ركه‌فتى، وكراس د گه‌ل وان، يه‌عقووبى گۆته وان مرۆڤێن ل نك وى: هندى ئه‌زم ئه‌ز يێ بێنا يووسفى سه‌ح دكه‌م ئه‌گه‌ر هوين من كێم عه‌قل نه‌هژمێرن ويارییان ب من نه‌كه‌ن، ونه‌بێژن: تو يێ ژ به‌ر دئاخڤى.
قَالُواْ تَٱللَّهِ إِنَّكَ لَفِي ضَلَٰلِكَ ٱلۡقَدِيمِ ﴿٩٥﴾
ئه‌وان مرۆڤێن ل نك وى دئاماده گۆت: ب خودێ هندى تويى هێشتا تو يێ ل سه‌ر خه‌له‌تییا خۆ يا به‌رێ، وتو ڤيانا يووسفى ژ بير ناكه‌ى.
فَلَمَّآ أَن جَآءَ ٱلۡبَشِيرُ أَلۡقَىٰهُ عَلَىٰ وَجۡهِهِۦ فَٱرۡتَدَّ بَصِيرٗاۖ قَالَ أَلَمۡ أَقُل لَّكُمۡ إِنِّيٓ أَعۡلَمُ مِنَ ٱللَّهِ مَا لَا تَعۡلَمُونَ ﴿٩٦﴾
وده‌مێ ئه‌و مرۆڤ هاتى يێ مزگينییا يووسفى بۆ يه‌عقووبى ئيناى، وكراسێ يووسفى هاڤێتییه سه‌ر دێمێ وى وئه‌و ب چاڤ كه‌فتى، و دلێ وى تژى كه‌يف بووى، وى گۆته وان مرۆڤێن ل نك خۆ: ئه‌رێ ما من نه‌گۆتبوو هه‌وه هندى ئه‌زم ئه‌ز وێ ژ قه‌نجى وكه‌ره‌م ودلۆڤانییا خودێ دزانم يا هوين نه‌زانن؟
قَالُواْ يَـٰٓأَبَانَا ٱسۡتَغۡفِرۡ لَنَا ذُنُوبَنَآ إِنَّا كُنَّا خَٰطِـِٔينَ ﴿٩٧﴾
كوڕێن وى گۆت: ئه‌ى بابێ مه تو بۆ مه داخوازا ژێبرنا گونه‌هان ژ خودايێ خۆ بكه دا ئه‌و مه عه‌فى بكه‌ت وگونه‌هێن مه ڤه‌شێرت، هندى ئه‌م بووين ئه‌م -د وى كارى دا يێ مه د گه‌ل يووسفى وبرايێ وى كرى- دخه‌له‌ت بووين.