surah044سورەتا الدخان · ئایەتا ٣٧ ب تەفسیرا کوردی

إِنۡ هِيَ إِلَّا مَوۡتَتُنَا ٱلۡأُولَىٰ وَمَا نَحۡنُ بِمُنشَرِينَ ﴿٣٥﴾

هه‌ما مرنا مه‌ يا به‌راهییێ ودويماهییێ ئه‌ڤ مرنه‌يه‌ يا ئه‌م پێ دمرين، وپشتى ئه‌م دمرين ئه‌م جاره‌كا دى بۆ حسێب وجزادانێ نائێينه‌ ڕاكرن.

فَأۡتُواْ بِـَٔابَآئِنَآ إِن كُنتُمۡ صَٰدِقِينَ ﴿٣٦﴾

وئه‌و دبێژن: پا دێ تو -ئه‌ى موحه‌ممه‌د وهه‌ڤالێن خۆ- بابێن مه‌ ئه‌وێن مرين جاره‌كا دى ڕاكه‌نه‌ڤه‌، ئه‌گه‌ر هوين ڕاست دبێژن كو خودێ مرییان ژ گۆڕان ڕادكه‌ت.

أَهُمۡ خَيۡرٌ أَمۡ قَوۡمُ تُبَّعٖ وَٱلَّذِينَ مِن قَبۡلِهِمۡ أَهۡلَكۡنَٰهُمۡۚ إِنَّهُمۡ كَانُواْ مُجۡرِمِينَ ﴿٣٧﴾

ئه‌رێ ئه‌ڤ بوتپه‌رێسه‌ دچێترن يان ملله‌تێ توببه‌عێ حميه‌رى وئه‌و ملله‌تێن كافر يێن به‌رى وان؟ ژ به‌ر تاوان وكوفرا وان مه‌ ئه‌و تێبرن، ئه‌ڤ بوتپه‌رێسه‌ ژ وان دچێتر نينن دا ئه‌م ل وان نه‌گرين، ووان تێ نه‌به‌ين، وئه‌و كوفرێ ب خودێ دكه‌ن.

وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا لَٰعِبِينَ ﴿٣٨﴾

ومه‌ عه‌سمان وعه‌رد وتشتێ د ناڤبه‌را وان دا ب يارى ڤه‌ نه‌ئافراندينه‌.

مَا خَلَقۡنَٰهُمَآ إِلَّا بِٱلۡحَقِّ وَلَٰكِنَّ أَكۡثَرَهُمۡ لَا يَعۡلَمُونَ ﴿٣٩﴾

مه‌ ب حه‌قییێ -كو ڕێبازا خودێیه‌- ئه‌و ئافراندينه‌، به‌لێ پترییا ڤان بوتپه‌رێسان وێ چه‌ندێ نزانن، له‌و هزرا خۆ تێدا ناكه‌ن؛ چونكى وان به‌ر ل خه‌لات وجه‌لاتى نينه‌.