surah044سورەتا الدخان · ئایەتا ٥٤ ب تەفسیرا کوردی

فِي جَنَّـٰتٖ وَعُيُونٖ ﴿٥٢﴾

د به‌حه‌شت وباغ وكانییان دانه‌.

يَلۡبَسُونَ مِن سُندُسٖ وَإِسۡتَبۡرَقٖ مُّتَقَٰبِلِينَ ﴿٥٣﴾

ئارميشێ ستوير ويێ ته‌نك ئه‌و دكه‌نه‌ به‌رخۆ، هنده‌ك ژ وان به‌رانبه‌رى هنده‌كانه‌، ڕوى ب ڕوى به‌رێ خۆ دده‌نه‌ ئێك ودو، چى جهێ ئه‌و چوونێ وێرێ ديوانخانه‌يا وانه‌.

كَذَٰلِكَ وَزَوَّجۡنَٰهُم بِحُورٍ عِينٖ ﴿٥٤﴾

وكانێ چاوا ل ئاخره‌تێ مه‌ قه‌درێ ڤان ته‌قواداران گرت وئارميش كره‌ به‌ر، وه‌سا مه‌ قه‌درێ وان گرت وژنێن جوان وچاڤ گر ژى دانێ.

يَدۡعُونَ فِيهَا بِكُلِّ فَٰكِهَةٍ ءَامِنِينَ ﴿٥٥﴾

ئه‌ڤ ته‌قواداره‌ د به‌حه‌شتێ دا هه‌مى ڕه‌نگێن فێقى يێ دلێ وان دچتێ دخوازن، وئه‌و ژ هندێ دپشتڕاستن كو ئه‌ڤ چه‌نده‌ ژ وان بێته‌ بڕين.

لَا يَذُوقُونَ فِيهَا ٱلۡمَوۡتَ إِلَّا ٱلۡمَوۡتَةَ ٱلۡأُولَىٰۖ وَوَقَىٰهُمۡ عَذَابَ ٱلۡجَحِيمِ ﴿٥٦﴾

ئه‌ڤ ته‌قواداره‌ د به‌حه‌شتێ دا تام ناكه‌نه‌ مرنێ پشتى كو وان مرنا ئێكێ د دنيايێ دا تامكرى، وخودێ ژ قه‌نجییا خۆ ئه‌ڤ ته‌قواداره‌ ژ عه‌زابا ئاگرى پاراستن.