قورئانا پیرۆز › سورەتا الأعراف › ئایەتا ١٢٢
سورەتا الأعراف · ئایەتا ١٢٢ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأُلۡقِيَ ٱلسَّحَرَةُ سَٰجِدِينَ ﴿١٢٠﴾
وسێره‌به‌ندان ده‌مێ شيانا خودێ يا مه‌زن ديتى خۆ بۆ خودێ چه‌ماند وچوونه سوجدێ.
قَالُوٓاْ ءَامَنَّا بِرَبِّ ٱلۡعَٰلَمِينَ ﴿١٢١﴾
گۆتن: مه باوه‌رى ب خودايێ هه‌مى چێكرییان ئينا.
رَبِّ مُوسَىٰ وَهَٰرُونَ ﴿١٢٢﴾
خودايێ مووساى وهاروونی، وئه‌وه یێ كو دڤێت په‌رستن بۆ وى ب تنێ بێته‌كرن.
قَالَ فِرۡعَوۡنُ ءَامَنتُم بِهِۦ قَبۡلَ أَنۡ ءَاذَنَ لَكُمۡۖ إِنَّ هَٰذَا لَمَكۡرٞ مَّكَرۡتُمُوهُ فِي ٱلۡمَدِينَةِ لِتُخۡرِجُواْ مِنۡهَآ أَهۡلَهَاۖ فَسَوۡفَ تَعۡلَمُونَ ﴿١٢٣﴾
فيرعه‌ونى گۆته سێره‌به‌ندان: هه‌وه باوه‌رى ب وى ئينا به‌رى ئه‌ز ده‌ستويریێ بده‌مه هه‌وه؟ هندى باوه‌رى ئينانا هه‌وه‌يه فێلبازییه‌كه هه‌وه ومووساى كرى؛ دا هوين خه‌لكێ باژێرێ خۆ ژێ ده‌ربێخن، ودا هوين خێر وخێراتێن وى بۆ خۆ ب تنێ ببه‌ن، ڤێجا پاشى هوين -گه‌لى سێره‌به‌ندان- دێ زانن كانێ چ عه‌زاب ونه‌خۆشى دێ ب سه‌رێ هه‌وه ئێت.
لَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفٖ ثُمَّ لَأُصَلِّبَنَّكُمۡ أَجۡمَعِينَ ﴿١٢٤﴾
سويند بت ئه‌ز ده‌ست وپییێن هه‌وه ژێك جودا ببڕم: ده‌ستێ ڕاستێ د گه‌ل پییێ چه‌پێ، يان ده‌ستێ چه‌پێ د گه‌ل پییێ ڕاستێ، پاشى سويند بت ئه‌ز دێ هه‌وه هه‌مییان ب قورمێن دارقه‌سپان ڤه هلاويسم.