قورئانا پیرۆز › سورەتا الأعراف › ئایەتا ١٩٧
سورەتا الأعراف · ئایەتا ١٩٧ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَلَهُمۡ أَرۡجُلٞ يَمۡشُونَ بِهَآۖ أَمۡ لَهُمۡ أَيۡدٖ يَبۡطِشُونَ بِهَآۖ أَمۡ لَهُمۡ أَعۡيُنٞ يُبۡصِرُونَ بِهَآۖ أَمۡ لَهُمۡ ءَاذَانٞ يَسۡمَعُونَ بِهَاۗ قُلِ ٱدۡعُواْ شُرَكَآءَكُمۡ ثُمَّ كِيدُونِ فَلَا تُنظِرُونِ ﴿١٩٥﴾
ئه‌رێ ما ڤان صه‌نه‌م وخوداوه‌ندان هنده‌ك پێ هه‌نه ئه‌و پێ ب ڕێڤه بچن، و د گه‌ل هه‌وه بێن پێتڤییێن هه‌وه بۆ هه‌وه ب جهـ بينن ؟ يان وان هنده‌ك ده‌ست هه‌نه ئه‌و به‌ڕه‌ڤانییێ پێ ژ هه‌وه بكه‌ن دژى وان یێن خرابییا هه‌وه دڤێن؟ يان وان چاڤ هه‌نه ئه‌و وى تشتى پێ ببينن يێ هه‌وه نه‌ديتى ونيشا هه‌وه بده‌ن؟ يان وان گوهـ هه‌نه وان پێ گوهـ ل وى تشتى ببن یێ هه‌وه گوهـ لێ نه‌بووى، ووى تشتى بۆ هه‌وه بێژن؟ ڤێجا ماده‌م خوداوه‌ندێن هه‌وه يێن هوين په‌رستنێ بۆ دكه‌ن تشته‌ك ژ ڤان نينه، ئه‌رێ بۆچى هوين په‌رستنێ بۆ وان دكه‌ن؟ تو -ئه‌ى پێغه‌مبه‌ر- بێژه وان: هوين گازى وان خوداوه‌ندێن خۆ بكه‌ن يێن هه‌وه بۆ خودێ د په‌رستنێ دا كرينه هه‌ڤپشك، پاشى هوين پێكڤه پيلانان دژى من بگێڕن دا نه‌خۆشییێ بگه‌هيننه من، ومن ڤه‌نه‌هێلن وخۆ گيرۆ نه‌كه‌ن، هندى ئه‌زم ئه‌ز چو پويته‌يى ب خوداوه‌ندێن هه‌وه ناكه‌م؛ چونكى من يێ خۆ هێلايه ب هيڤییا خودێ ب تنێ ڤه.
إِنَّ وَلِـِّۧيَ ٱللَّهُ ٱلَّذِي نَزَّلَ ٱلۡكِتَٰبَۖ وَهُوَ يَتَوَلَّى ٱلصَّـٰلِحِينَ ﴿١٩٦﴾
هندى خودێیه خودانێ منه، یێ كو من دپارێزت و ب سه‌ر دئێخت، وئه‌وه يێ قورئان ب حه‌قییێ بۆ من ئينايه خوارێ، وئه‌و سه‌ركارییا چاكان ژ به‌نیێن خۆ دكه‌ت، ووان ب سه‌ر نه‌یارێن وان دئێخت، ووان شه‌رمزار ناكه‌ت.
وَٱلَّذِينَ تَدۡعُونَ مِن دُونِهِۦ لَا يَسۡتَطِيعُونَ نَصۡرَكُمۡ وَلَآ أَنفُسَهُمۡ يَنصُرُونَ ﴿١٩٧﴾
وئه‌وێن هوين -گه‌لى موشركان- ژ بلى خودێ گازى دكه‌نێ ژ خوداوه‌ندان، ئه‌و نه‌شێن هه‌وه ب سه‌ربێخن، ونه‌شێن خۆ ب خۆ ژى ب سه‌ربێخن.
وَإِن تَدۡعُوهُمۡ إِلَى ٱلۡهُدَىٰ لَا يَسۡمَعُواْۖ وَتَرَىٰهُمۡ يَنظُرُونَ إِلَيۡكَ وَهُمۡ لَا يُبۡصِرُونَ ﴿١٩٨﴾
وئه‌گه‌ر هوين -گه‌لى موشركان- داخوازا سه‌رڕاستییێ ژ خوداوه‌ندێن خۆ بكه‌ن وان گوهـ ل گازییا هه‌وه نابت، وتو -ئه‌ى پێغه‌مبه‌ر- خوداوه‌ندێن ڤان بوتپه‌رێسان ل به‌رانبه‌ر خۆ وه‌سا دبينى وه‌كى وى يێ ته دبينت وئه‌و ب خۆ ته نابينت؛ چونكى ئه‌و د بێ چاڤ وديتنن.
خُذِ ٱلۡعَفۡوَ وَأۡمُرۡ بِٱلۡعُرۡفِ وَأَعۡرِضۡ عَنِ ٱلۡجَٰهِلِينَ ﴿١٩٩﴾
ئه‌ى پێغه‌مبه‌ر -تو وئوممه‌تا خۆ- وێ یا د شیان دا بت ژ ڕه‌وشت وكريارێن چاك ژ مرۆڤان قه‌بويل بكه‌ن، ووى تشتى ژ وان نه‌خوازن یێ ب زه‌حمه‌ت بت بۆ وان دا ئه‌و ژ هه‌وه نه‌ڕه‌ڤن، وتو فه‌رمانێ ب هه‌ر گۆتنه‌كا باش وكاره‌كێ جوانێ هه‌بت بكه، وتو پشت بده هه‌ڤڕكییا د گه‌ل نه‌زان وكێم فامان.