قورئانا پیرۆز › سورەتا الشورى › ئایەتا ٢٨
سورەتا الشورى · ئایەتا ٢٨ ب تەفسیرا کوردی
Ash-Shura
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَسۡتَجِيبُ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ وَيَزِيدُهُم مِّن فَضۡلِهِۦۚ وَٱلۡكَٰفِرُونَ لَهُمۡ عَذَابٞ شَدِيدٞ ﴿٢٦﴾
وئه‌وێن باوه‌رى ئيناى ئه‌و د به‌رسڤا خودايێ خۆ دئێن وفه‌رمانا وى ب جهـ دئينن، وخودێ ژ قه‌نجییا خۆ خێرێ ل وان زێده دكه‌ت. وئه‌وێن كوفر ب خودێ وپێغه‌مبه‌رێ وى كرى ژ وان عه‌زابه‌كا ب ئێش ودژوار بۆ وان ل ڕۆژا قيامه‌تێ هه‌يه.
۞وَلَوۡ بَسَطَ ٱللَّهُ ٱلرِّزۡقَ لِعِبَادِهِۦ لَبَغَوۡاْ فِي ٱلۡأَرۡضِ وَلَٰكِن يُنَزِّلُ بِقَدَرٖ مَّا يَشَآءُۚ إِنَّهُۥ بِعِبَادِهِۦ خَبِيرُۢ بَصِيرٞ ﴿٢٧﴾
وئه‌گه‌ر خودێ ڕزق بۆ به‌نییێن خۆ به‌رفره‌هـ كربا، ئه‌و دا هێڕبن وخرابكارییێ د عه‌ردى دا كه‌ن، وهنده‌ك ژ وان دا زێده‌گاڤییێ ل سه‌ر هنده‌كان كه‌ن، به‌لێ خودێ هند ڕزقى دده‌ته وان هندى تێرا وان بكه‌ت. هندى ئه‌وه ئه‌و ب وى تشێ ب كێر به‌نییێن وى بێت يێ شاره‌زايه، و ب ڕێڤه‌برنا كاروبارێ وان يێ بينه‌ره.
وَهُوَ ٱلَّذِي يُنَزِّلُ ٱلۡغَيۡثَ مِنۢ بَعۡدِ مَا قَنَطُواْ وَيَنشُرُ رَحۡمَتَهُۥۚ وَهُوَ ٱلۡوَلِيُّ ٱلۡحَمِيدُ ﴿٢٨﴾
وخودێ ب تنێیه بارانێ ژ عه‌سمانى دئينته خوارێ، وپێ د هه‌وارا خه‌لكى دئێت، پشتى كو ئه‌و ژ هاتنا وێ بێ هيڤى بووين، وئه‌و دلۆڤانییا خۆ د ناڤ چێكرییان دا به‌لاڤ دكه‌ت، وبارانێ بۆ وان هه‌مییان دئينته خوارێ، وئه‌وه خودان يێ كو ب قه‌نجى وباشییا خۆ سه‌ركارییا به‌نییێن خۆ دكه‌ت، يێ د كارێ خۆ دا هێژاى مه‌دحان.
وَمِنۡ ءَايَٰتِهِۦ خَلۡقُ ٱلسَّمَٰوَٰتِ وَٱلۡأَرۡضِ وَمَا بَثَّ فِيهِمَا مِن دَآبَّةٖۚ وَهُوَ عَلَىٰ جَمۡعِهِمۡ إِذَا يَشَآءُ قَدِيرٞ ﴿٢٩﴾
وئافراندنا عه‌سمانان وعه‌ردى يا بێ وێنه، وبه‌لاڤكرنا گه‌له‌ك ڕه‌نگێن خودان رحان د ناڤ هه‌ر دووان دا ژ نيشانێن ئاشكه‌رانه ل سه‌ر مه‌زنى وشيانا وى، وئه‌و ل سه‌ر كۆمكرنا چێكرییان يا پشتى مرنا وان -ده‌مێ وى ڤيا- يێ خودان شيانه، تشته‌ك ل وى ئاسێ نابت.
وَمَآ أَصَٰبَكُم مِّن مُّصِيبَةٖ فَبِمَا كَسَبَتۡ أَيۡدِيكُمۡ وَيَعۡفُواْ عَن كَثِيرٖ ﴿٣٠﴾
وهه‌ر به‌لا وگرفتارییه‌كا بێته سه‌رێ هه‌وه چ د دينێ هه‌وه دا بت چ د دنيايا هه‌وه دا بت -گه‌لی مرۆڤان- ئه‌و ژ به‌ر وان گونه‌هانه يێن هه‌وه كرين، وخودايێ هه‌وه گه‌له‌ك گونه‌هان بۆ هه‌وه ژێ دبه‌ت، وسه‌را وان ل هه‌وه ناگرت.