قورئانا پیرۆز › سورەتا التوبة › ئایەتا ٥٠
سورەتا التوبة · ئایەتا ٥٠ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَقَدِ ٱبۡتَغَوُاْ ٱلۡفِتۡنَةَ مِن قَبۡلُ وَقَلَّبُواْ لَكَ ٱلۡأُمُورَ حَتَّىٰ جَآءَ ٱلۡحَقُّ وَظَهَرَ أَمۡرُ ٱللَّهِ وَهُمۡ كَٰرِهُونَ ﴿٤٨﴾
ب ڕاستى به‌رى شه‌ڕێ (ته‌بووكێ) ژى منافقان خواستبوو خودان باوه‌ران د فتنه ببه‌ن وبه‌رێ وان ژ ڕێكا خودێ پاشڤه ببه‌ن، ووان گه‌له‌ك به‌رگه‌ڕيان كر دا ئه‌و وێ پويچ بكه‌ن يا تو -ئه‌ى پێغه‌مبه‌ر- پێ هاتى، وه‌كى وێ يا وان ل ڕۆژا (ئوحودێ) و يا (خه‌نده‌قێ) كرى، ووان پيلان دژى ته گێڕان حه‌تا سه‌ركه‌فتن ژ نك خودێ هاتى، ووى له‌شكه‌رێ خۆ سه‌رفه‌راز كرى ودينێ خۆ ب سه‌ر ئێخستى، ووان ب وێ چه‌ندێ نه‌خۆش بوو.
وَمِنۡهُم مَّن يَقُولُ ٱئۡذَن لِّي وَلَا تَفۡتِنِّيٓۚ أَلَا فِي ٱلۡفِتۡنَةِ سَقَطُواْۗ وَإِنَّ جَهَنَّمَ لَمُحِيطَةُۢ بِٱلۡكَٰفِرِينَ ﴿٤٩﴾
و ژ وان دوڕوییان هه‌يه يێ داخوازا پاشڤه‌مانا ژ جيهادێ دكه‌ت ودبێژت: تو ب ڤێ ده‌ركه‌فتنێ من به‌ربه‌لا نه‌كه كو ئه‌ز ب مالى وژنكان د سه‌ر دا بچم. ب ڕاستى ئه‌ڤ دوڕوییه كه‌فتنه د به‌لایا منافقییێ يا مه‌زن دا. وهندى جه‌هنه‌مه دۆرا ل وان گرتى يێن كوفرێ ب خودێ وڕۆژا دويماهییێ دكه‌ن، وكه‌س ژ وان ژێ ڕزگار نابت.
إِن تُصِبۡكَ حَسَنَةٞ تَسُؤۡهُمۡۖ وَإِن تُصِبۡكَ مُصِيبَةٞ يَقُولُواْ قَدۡ أَخَذۡنَآ أَمۡرَنَا مِن قَبۡلُ وَيَتَوَلَّواْ وَّهُمۡ فَرِحُونَ ﴿٥٠﴾
وئه‌گه‌ر كه‌يفه‌ك وده‌سكه‌فتییه‌ك بگه‌هته ته -ئه‌ى پێغه‌مبه‌ر- منافقان پێ نه‌خۆش دبت، وئه‌گه‌ر نه‌خۆشییه‌ك ژ شكه‌ستنه‌كێ يان ئاتافه‌كێ ب سه‌رێ ته بێت ئه‌و دێ بێژن: ئه‌م خودان هزر وبيرين، مه هزرا خۆ كربوو له‌و ئه‌م د گه‌ل موحه‌ممه‌دى ده‌رنه‌كه‌فت بووين، و ب كه‌يف ڤه ئه‌و دێ پشت ده‌ن وچن.
قُل لَّن يُصِيبَنَآ إِلَّا مَا كَتَبَ ٱللَّهُ لَنَا هُوَ مَوۡلَىٰنَاۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ ﴿٥١﴾
تو -ئه‌ى پێغه‌مبه‌ر- ب گه‌ف وپاشڤه‌برن ڤه بێژه ڤان شه‌رمزاران: تشته‌ك ب سه‌رێ مه نائێت ئه‌و نه‌بت يێ خودێ بۆ مه حه‌زكرى و د له‌وحێ پاراستى دا نڤيسى، وئه‌و دێ مه ب سه‌ر نه‌ياران ئێخت، وخودان باوه‌ر بلا خۆ بهێلنه ب هيڤییا خودێ ب تنێ ڤه.
قُلۡ هَلۡ تَرَبَّصُونَ بِنَآ إِلَّآ إِحۡدَى ٱلۡحُسۡنَيَيۡنِۖ وَنَحۡنُ نَتَرَبَّصُ بِكُمۡ أَن يُصِيبَكُمُ ٱللَّهُ بِعَذَابٖ مِّنۡ عِندِهِۦٓ أَوۡ بِأَيۡدِينَاۖ فَتَرَبَّصُوٓاْ إِنَّا مَعَكُم مُّتَرَبِّصُونَ ﴿٥٢﴾
تو -ئه‌ى پێغه‌مبه‌ر- بێژه وان: ما هوين دچاڤه‌رێنه چ بگه‌هته مه ژ بلى شه‌هيدبوونێ يان سه‌ركه‌فتنێ؟ وئه‌م دچاڤه‌رێينه كو خودێ عه‌زابه‌كێ ژ نك خۆ ب سه‌ر هه‌وه دا بينت و ب له‌ز هه‌وه تێ ببه‌ت يان ژى ب ده‌ستێن مه وئه‌م هه‌وه بكوژين، ڤێجا هوين دچاڤه‌رێ بن ئه‌م ژى د گه‌ل هه‌وه دچاڤه‌رێينه كانێ خودێ دێ چ ب سه‌رێ مه وهه‌وه ئينت.