قورئانا پیرۆز › سورەتا إبراهيم › ئایەتا ٢٢
سورەتا إبراهيم · ئایەتا ٢٢ ب تەفسیرا کوردی
Ibrahim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَا ذَٰلِكَ عَلَى ٱللَّهِ بِعَزِيزٖ ﴿٢٠﴾
وتێبرنا هه‌وه وئينانا ملله‌ته‌كێ دى ژبلی هه‌وه ل به‌ر خودێ كاره‌كێ ب زه‌حمه‌ت نينه، به‌لكى كاره‌كێ ب ساناهییه.
وَبَرَزُواْ لِلَّهِ جَمِيعٗا فَقَالَ ٱلضُّعَفَـٰٓؤُاْ لِلَّذِينَ ٱسۡتَكۡبَرُوٓاْ إِنَّا كُنَّا لَكُمۡ تَبَعٗا فَهَلۡ أَنتُم مُّغۡنُونَ عَنَّا مِنۡ عَذَابِ ٱللَّهِ مِن شَيۡءٖۚ قَالُواْ لَوۡ هَدَىٰنَا ٱللَّهُ لَهَدَيۡنَٰكُمۡۖ سَوَآءٌ عَلَيۡنَآ أَجَزِعۡنَآ أَمۡ صَبَرۡنَا مَا لَنَا مِن مَّحِيصٖ ﴿٢١﴾
وچێكرى ژ گۆڕێن خۆ ده‌ركه‌فتن، وهه‌مى بۆ خودايێ ئێك و ب سه‌رڤه‌هاتى ئاشكه‌رابوون؛ دا ئه‌و حوكمى د ناڤبه‌را وان دا بكه‌ت، ڤێجا دويكه‌فتى دێ بێژنه سه‌ركێشێن خۆ: هندى ئه‌م بووين ئه‌م د دنيايێ دا دويكه‌فتییێن هه‌وه بووين، مه ب گۆتنا هه‌وه دكر، ئه‌رێ ڤێجا هوين -ئه‌ڤرۆ- تشته‌كى ژ عه‌زابا خودێ دێ ژ مه پاشڤه‌به‌ن وه‌كى هه‌وه سۆز ددا مه؟ سه‌ركێش دبێژن: ئه‌گه‌ر خودێ به‌رێ مه دابا باوه‌رییێ ئه‌م ژى دا به‌رێ هه‌وه ده‌ينێ، به‌لێ وى به‌رێ مه نه‌دايێ، وئه‌م به‌رزه‌كرين ڤێجا مه ژى هوين به‌رزه‌كرن، ئه‌م وهوين د وه‌كى ئێكين چ هه‌دارا مه بێت يان نه‌ئێت، مه چو جهێن ڕه‌ڤێ نينن ئه‌م ژ عه‌زابێ بڕه‌ڤينێ.
وَقَالَ ٱلشَّيۡطَٰنُ لَمَّا قُضِيَ ٱلۡأَمۡرُ إِنَّ ٱللَّهَ وَعَدَكُمۡ وَعۡدَ ٱلۡحَقِّ وَوَعَدتُّكُمۡ فَأَخۡلَفۡتُكُمۡۖ وَمَا كَانَ لِيَ عَلَيۡكُم مِّن سُلۡطَٰنٍ إِلَّآ أَن دَعَوۡتُكُمۡ فَٱسۡتَجَبۡتُمۡ لِيۖ فَلَا تَلُومُونِي وَلُومُوٓاْ أَنفُسَكُمۖ مَّآ أَنَا۠ بِمُصۡرِخِكُمۡ وَمَآ أَنتُم بِمُصۡرِخِيَّ إِنِّي كَفَرۡتُ بِمَآ أَشۡرَكۡتُمُونِ مِن قَبۡلُۗ إِنَّ ٱلظَّـٰلِمِينَ لَهُمۡ عَذَابٌ أَلِيمٞ ﴿٢٢﴾
وپشتى خودێ حسێب د گه‌ل به‌نییێن خۆ كرى، وفه‌رمان د ده‌ر حه‌قا وان دا داى، وبه‌حه‌شتى چووينه به‌حه‌شتێ وجه‌هنه‌مى چووينه جه‌هنه‌مێ، شه‌يتانى گۆت: هندى خودێیه سۆز ب ڕاستى دابوو هه‌وه كو ئه‌و هه‌وه زێندى بكه‌ته‌ڤه وهه‌وه جزا بده‌ت، ومن سۆز ب نه‌حه‌قى دابوو هه‌وه كو زێنديكرن وجزادان نينه، ڤێجا من سۆزا خۆ ب جهـ نه‌ئينا، وچو ده‌سهه‌لاتدارى د ده‌ستێ من دا نه‌بوو كو ئه‌ز هه‌وه مه‌جبوور بكه‌م هوين دويكه‌فتنا من بكه‌ن، وچو هێجه‌ت ژى من نه‌بوون، به‌لێ من هوين بۆ كوفر وسه‌رداچوونێ ڤه‌خواندن وهه‌وه دويكه‌فتنا من كر، ڤێجا هوين لۆمه‌ى من نه‌كه‌ن ولۆمه‌ى خۆ بكه‌ن، گونه‌هـ گونه‌ها هه‌وه‌يه، نه ئه‌ز د هه‌وارا هه‌وه دئێم ونه هوين د هه‌وارا من دئێن، هندى ئه‌زم ئه‌زێ به‌ريمه ژ هندێ كو هه‌وه د دنيايێ دا ئه‌ز د گوهدانێ دا بۆ خودێ كريمه هه‌ڤپشك. هندى ئه‌ون يێن زۆردارى كرى كو گوهدانا حه‌قییێ نه‌كرى عه‌زابه‌كا ب ئێش ونه‌خۆش بۆ وان هه‌يه.
وَأُدۡخِلَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا بِإِذۡنِ رَبِّهِمۡۖ تَحِيَّتُهُمۡ فِيهَا سَلَٰمٌ ﴿٢٣﴾
وئه‌وێن باوه‌رى ب خودێ وپێغه‌مبه‌رێ وى ئيناى وچاكى كرين بۆ وان به‌حه‌شتان هاتنه‌برن يێن ڕويبار د بن داروبار وقه‌سرێن وان دا دچن، ب ئانه‌هییا خودايێ خۆ چو جاران ئه‌و ژێ ده‌رناكه‌ڤن، ب سلاڤه‌كێ ژ خودێ وملياكه‌تێن وى وخودان باوه‌ران سلاڤ ل وان دئێته‌كرن.
أَلَمۡ تَرَ كَيۡفَ ضَرَبَ ٱللَّهُ مَثَلٗا كَلِمَةٗ طَيِّبَةٗ كَشَجَرَةٖ طَيِّبَةٍ أَصۡلُهَا ثَابِتٞ وَفَرۡعُهَا فِي ٱلسَّمَآءِ ﴿٢٤﴾
ئه‌رێ ما تو نابينى -ئه‌ى پێغه‌مبه‌ر- كانێ چاوا خودێ مه‌ته‌له‌ك بۆ په‌يڤا ته‌وحيدێ (لا إله إلا الله) ب داره‌كا مه‌زن - كو دارقه‌سپه- ئينا، ڕه‌هێن وێ د عه‌ردى دا دموكمن، وچه‌قێن وێ ب لايێ عه‌سمانى ڤه دبلندن؟