قورئانا پیرۆز › سورەتا طه › ئایەتا ١٠٦
سورەتا طه · ئایەتا ١٠٦ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
نَّحۡنُ أَعۡلَمُ بِمَا يَقُولُونَ إِذۡ يَقُولُ أَمۡثَلُهُمۡ طَرِيقَةً إِن لَّبِثۡتُمۡ إِلَّا يَوۡمٗا ﴿١٠٤﴾
ئه‌م ب وێ زاناترين يا ئه‌و ڤه‌دشێرن ودبێژن، ده‌مێ عاقلدار وزانايێ وان دبێژت: ژ ڕۆژه‌كا ب تنێ پێڤه‌تر هوين د دنيايێ دا نه‌مابوون؛ هندى ل ئاخره‌تێ ده‌مێ دنيايێ ل به‌ر وان يێ كێمه.
وَيَسۡـَٔلُونَكَ عَنِ ٱلۡجِبَالِ فَقُلۡ يَنسِفُهَا رَبِّي نَسۡفٗا ﴿١٠٥﴾
وملله‌تێ ته -ئه‌ى پێغه‌مبه‌ر- پسيارا چيايان ژ ته دكه‌ن كانێ دويماهییا وان ل ڕۆژا قيامه‌تێ دێ چ بت، تو بێژه وان: خودايێ من وان ژ جهێ وان دئينته‌ده‌ر ووه‌كى باى لێ دكه‌ت.
فَيَذَرُهَا قَاعٗا صَفۡصَفٗا ﴿١٠٦﴾
ڤێجا ئه‌و هنگى عه‌ردى دكه‌ته عه‌رده‌كێ ڕاست وحلی يێ بێ شينكاتى.
لَّا تَرَىٰ فِيهَا عِوَجٗا وَلَآ أَمۡتٗا ﴿١٠٧﴾
يێ به‌رێ خۆ بده‌تێ نه چو خوارییێ لێ دبينت ونه چو جهێن نزم وبلند دبينت.
يَوۡمَئِذٖ يَتَّبِعُونَ ٱلدَّاعِيَ لَا عِوَجَ لَهُۥۖ وَخَشَعَتِ ٱلۡأَصۡوَاتُ لِلرَّحۡمَٰنِ فَلَا تَسۡمَعُ إِلَّا هَمۡسٗا ﴿١٠٨﴾
وێ ڕۆژێ خه‌لك دويكه‌فتنا گازيكه‌رى دكه‌ن، دا بۆ قيامه‌تێ ڕاوه‌ستن، وان ژبلی دويكه‌فتنا وى چو ڕێ نينن به‌رێ خۆ بده‌نێ؛ چونكى ئه‌و ل به‌ر خه‌لكى هه‌مییێ حه‌قى وڕاستییه، و ژ ترسا خودايێ پڕدلۆڤان دا هه‌مى ده‌نگ كزبوون، ڤێجا ژ ده‌نگه‌كێ نزم پێڤه‌تر ته گوهـ ل چو نابت.