قورئانا پیرۆز › سورەتا طه › ئایەتا ١٢٥
سورەتا طه · ئایەتا ١٢٥ ب تەفسیرا کوردی
Taha
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالَ ٱهۡبِطَا مِنۡهَا جَمِيعَۢاۖ بَعۡضُكُمۡ لِبَعۡضٍ عَدُوّٞۖ فَإِمَّا يَأۡتِيَنَّكُم مِّنِّي هُدٗى فَمَنِ ٱتَّبَعَ هُدَايَ فَلَا يَضِلُّ وَلَا يَشۡقَىٰ ﴿١٢٣﴾
خودێ گۆته ئاده‌مى وحه‌ووايێ: هوين پێكڤه د گه‌ل ئبليسى ژ به‌حه‌شتێ هه‌ڕنه خوارێ بۆ عه‌ردى، وهوين هه‌ردو وئه‌و دوژمنێن ئێكن، ڤێجا ئه‌گه‌ر رێنيشادان وئاشكه‌راكرنه‌ك ژ من بۆ هه‌وه هات هه‌چییێ دويكه‌فتنا ڕێنيشادان وئاشكه‌راكرنا من كر ئه‌و د دنيايێ دا دێ ئێته سه‌ر ڕێ، ودێ ب هيدايه‌ت كه‌ڤت، و ل ئاخره‌تێ ژى ئه‌و ب عه‌زابا خودێ دل نه‌خۆش نابت.
وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ ﴿١٢٤﴾
وهه‌چییێ پشت بده‌ته زكرێ من د دنيايێ دا ژينه‌كا ب زه‌حمه‌ت وبه‌رته‌نگ بۆ وى هه‌يه، ئه‌گه‌ر خۆ ل به‌ر چاڤ وه‌سا يا ديار بت كو ئه‌و يێ به‌رده‌ست فره‌هه ژى، و ل ڕۆژا قيامه‌تێ ئه‌م دێ وى كۆره ژ ديتنێ وده‌ليلان ڕاكه‌ينه‌ڤه.
قَالَ رَبِّ لِمَ حَشَرۡتَنِيٓ أَعۡمَىٰ وَقَدۡ كُنتُ بَصِيرٗا ﴿١٢٥﴾
وى گۆت: خودايێ من بۆچى ته ئه‌ز كۆره ڕاكرم، وئه‌و ب خۆ د دنيايێ دا ئه‌ز يێ ب چاڤ بووم؟
قَالَ كَذَٰلِكَ أَتَتۡكَ ءَايَٰتُنَا فَنَسِيتَهَاۖ وَكَذَٰلِكَ ٱلۡيَوۡمَ تُنسَىٰ ﴿١٢٦﴾
خودێ گۆته وى: من تو كۆره ڕاكرى؛ چونكى ئايه‌تێن من يێن ئاشكه‌را بۆ ته هاتبوون، وته پشتا خۆ دابوويێ وباوه‌رى پێ نه‌ئينابوو، ڤێجا كا چاوا د دنيايێ دا ته ئه‌و هێلابوون وه‌سا ئه‌ڤرۆ د ئاگرى دا تو ژى دێ ئێيه هێلان.
وَكَذَٰلِكَ نَجۡزِي مَنۡ أَسۡرَفَ وَلَمۡ يُؤۡمِنۢ بِـَٔايَٰتِ رَبِّهِۦۚ وَلَعَذَابُ ٱلۡأٓخِرَةِ أَشَدُّ وَأَبۡقَىٰٓ ﴿١٢٧﴾
و ب ڤى ڕه‌نگى ئه‌م د دنيايێ دا وى جزا دده‌ين يێ ب بێ ئه‌مرییا خودايێ خۆ زێده‌گاڤى ل خۆ كرى، وباوه‌رى ب ئايه‌تێن وى نه‌ئيناى، وعه‌زابا ئاخره‌تێ ئه‌وا بۆ وان هاتییه ئاماده‌كرن يا نه‌خۆشى دژوارتر وبه‌رده‌وامتره؛ چونكى ئه‌و ب دويماهى نائێت.